දිනසේන රතුගමගේ
-
පාට කළේ වැරදි ඇඟිල්ල කියලා කිව්වම ඡන්ද ස්ථානාධිපති ඇවිත් සමාව අරන්… උදේ පැය 2ක් තිස්සේ වැරදි ඇඟිල්ල පාට කළාට ඡන්ද දායකයෝ මැතිවරණ සංවිධානවලට පැමිණිලි කරති….
වවුනියාවේ වෙලිකුලම විද්යාලයේ පිහිටුවා ඇති ඡන්ද මධ්යස්ථානයේදී ඡන්දය විමසන ලද මුල් පැය දෙක ඇතුළතදී ඡන්ද දායකයින්ගේ ඡන්දය ප්රකාශ කිරීම සනාථ කිරීම සඳහා සුළගිල්ල පාට කිරීමේ සිද්ධියක් වාර්තා වී තිබේ.
පැය දෙකකට පමණ පසුව ඡන්දය ප්රකාශ කිරීමට ගිය ඡන්දදායකයින් පිරිසක් ඔවුන්ගේ සුළගිල්ල මේ මැතිවරණයේදීද කලින් ජනාධිපතිවරණයේදී පාට කළ සුළගිල්ල මතම පාට කිරීම නිසා මැතිවරණ නිලධාරීන් සමග බහින් බස් වී තිබේ.
පසුව ඡන්ද මධ්යස්ථානාධිපතිවරයා පැමිණ ඡන්දදායකයින්ගෙන් සමාව ඉල්ලා පසුව මහ මැතිවරණයේදී පාට කිරීමට නියමිත දබරගිල්ල පාට කරන්නට පටන් ගෙන ඇත.
කෙසේ නමුත් මේ සිද්ධිය සම්බන්න්ධයෙන් ඡන්ද දායකයින් පැපරල් හා කැෆේ සංවිධාන වලටද පැමිණිලි කොට ඇත.
එම ඡන්ද මධ්යස්ථානයේදී පලමු පැය දෙක ඇතුළතදී ඡන්ද දායකයින් හතලිහකගේ පමණ ඡන්දය ප්රකාශ කිරීම සනාථ කොට ඇත්තේ ජනාධිපටිවරණයේදී පාට කළ සුලාගිල්ල මතමය.
