ශ්රී ලංකා විවෘත විශ්ව විද්යාලයේ අම්බලන්ගොඩ අධ්යයන මධ්යස්ථානය විසින් කරන්දෙණිය මධ්ය මහා විද්යාලයේදී පාසල් හැර යෑමට අපේක්ෂිත දුවාදරුවන්ගේ අනාගත ලෝකය උදෙසා බලගැන්වීමේ වැඩසටහනක් ඊයේ (20) ආරම්භ කරන ලදි.
මෙම වැඩ සටහන සඳහා සෞඛ්ය වාත්තීයවේදීන්ගේ විද්වත් ආයතනය සහ මත් පැන් මත්ද්රව්ය තොරතුරු මධ්යස්ථානය දායකත්වය දක්වා ඇති අතර පාසල් හැරයාමට අපේක්ෂිත දුවාදරුවන්ගේ නායකත්වය ඔප් නැංවීම සහ නිවැරදි අධ්යාපන දැක්මක් ඇති කර ගැනීම මගින් ඔවුන්ගේ අනාගත සමාජ පරිවර්ථනය කිරීම සඳහා මෙම වැඩසටහන් මාලාවේ අරමුණ වී ඇත.
මෙම වැඩ සටහන කුඩා පාසල් ඉලක්ක කර ගනිමින් සිදුකිරීමට අපේක්ෂා කරන බවත් වැඩසටහන් මාලාවේ ආරම්භය ගාල්ල දිස්ත්රික්කය මූලික කර ගනිමින් පැවැත්වීමට කටයුතු යොදා ඇත.
මෙම වැඩ සටහනේ මීළග වැඩ සටහන තම පාසල තුළ ක්රියාත්මක කර ගැනීම සදහා අවශ්ය වන්නේ නම් ඒ සඳහා ඉල්ලුම් කල හැකි බවද සංවිධායක මණ්ඩලය විසින් දන්වා සිටියි.
මෙම වැඩසටහන අවසානයේ තෝරා ගත් සිසුන් කණ් ඩායමක් සඳහා විශේෂ නායකත්ව පුහුණුවක් ලබා දීමටද සැලසුම් කර ඇත.
වැඩිදුර තොරතුරු 0706215101 දුරකථන අංකයෙන් ලබා ගත හැකිය.
