රජය විසින් පාර්ලිමේන්තුවට ඉදිරිපත් කළ පාර්ලිමේන්තු මන්ත්රීවරුන්ගේ විශ්රාම වැටුප් අහෝසි කිරීමේ පනත් කෙටුම්පතට එරෙහිව හිටපු පාර්ලිමේන්තු මන්ත්රීවරුන් පිරිසක් ශ්රේෂ්ඨාධිකරණයට පෙත්සම් දෙකක් ඉදිරිපත් කර තිබේ.
මෙම පනත් කෙටුම්පතේ ඇතැම් වගන්ති ආණ්ඩුක්රම ව්යවස්ථාවට පැහැනි බවටත් ආණ්ඩුක්රම ව්යවස්ථාව මගින් සහතික කර තිබෙන මූලික මිනිස් අයිතිවාසිකම් උල්ලංඝනයවන බවටත් තීන්දුවක් ලබා දෙන ලෙස ඉල්ලමින් මෙම පෙත්සම් දෙක ගොනු කර තිබේ.
එමෙන්ම අදාළ පනත් කෙටුම්පත සම්මත කරන්නේ නම් පාර්ලිමේන්තුවේ විශේෂ බහුතර ඡන්දයෙන් සම්මත වී ජනමත විචාරණයකින්ද අනුමත විය යුතු බවට තීන්දුවක් ලබාදෙන ලෙසත් පෙත්සම්කරුවන් ශ්රේෂ්ඨාධිකරණයෙන් සිය පෙත්සම මගින් ඉල්ලා ඇත.
අදාල පෙත්සම් ගොනු කර ඇත්තේ හිටපු පාර්ලිමේන්තු මන්ත්රීවරුන් වන එම්.එම්. ප්රේමසිරි, නවරත්න බණ්ඩා බී.එම්. දීපාල් ගුණසේකර, සමන්සිරි හේරත් සහ පියසෝම උපාලි සමග උපාලි අමරසිරිය.
