දිනසේන රතුගමගේ –
මිනිස් ජාවාරම සහ මිනිස් ජාවාරම ඉලක්ක කරගෙන මෙතෙක් දියත් වූ විශාලතම ජාත්යාන්තර INTERPOL මෙහෙයුමේදී ශ්රී ලාංකිකයෙක් ඇතුළු 07 දෙනෙක් අත් අඩංගුවට ගෙන ඇති බව එක්සත් රාජධානියේ ජාතික අපරාධ ඒජන්සිය නිල වශයෙන් පෙරේදා (30) ප්රකාශයට පත් කර තිබේ.
පසුගිය වසරේ නොවැම්බර් 10 සහ 21 අතර පැවති එම මෙහෙයුමේ කොටසක දී එක්සත් රාජධානියේ ජාතික අපරාධ ඒජන්සිය විසින් මෙම ශ්රී ලාංකිකයා ලිවර්පූල්හිදී අත්අඩංගුවට ගෙන ඇත.
එංගලන්තයේ දී අත් අඩංගුවට පත් වන, යාපනයේ පදිංචිකරුවෙක් වූ මෙම 30 හැවිරිදි ශ්රී ලාංකිකයාට චෝදනා එල්ල වන්නේ ඔහු ප්රංශයේ දරුවෙකු දූෂණය කර ප්රංශයෙන් පලාවිත් එංගලන්තයේ ගතකිරීම සම්බන්ධයෙනි. .
ලිවර්පූල් නගර මධ්යයේ පිහිටි ඒජන්සියේ ජාතික පිටුවහල් කිරීමේ ඒකකයේ විශේෂඥ නිලධාරීන් විසින් රඳවාගත් මෙම පුද්ගලයා ගැහැණු ළමයෙක් දූෂණය කිරීමේ චෝදනාව මත ප්රංශ බලධාරීන්ට අවශ්ය පුද්ගලයෙක් බව නිල වශයෙන් ප්රකාශ කර ඇත.
අනතුරුව ඔහු අධිකරණයට ඉදිරිපත් කර රක්ෂිත බන්ධනාගාරගත කිරීමෙන් අනතුරුව ප්රංශයට පිටුවහල් කිරීමේ කටයුතු ආරම්භ කිරීම සඳහා වෙස්ට්මිනිස්ටර් මහේස්ත්රාත් අධිකරණයට ඉදිරිපත් කර ඇතැයි එම ඒජන්සි වාර්තාවල දැක්වේ.
මේ පුද්ගලයා සම්බන්ධව මාර්තු 26 වන දින සම්පූර්ණ පිටුවහල් කිරීමේ විභාගයක් ලැයිස්තුගතකර ඇති බව එක්සත් රාජධානියේ ජාතික අපරාධ ඒජන්සිය පවසයි.
අත් අඩංගුවට ගෙන ඇති පුද්ගලයින් 07 දෙනා මෙසේය.
- ලිවර්පූල්හිදී අත්අඩංගුවටගත් ප්රංශයේදී දරුවෙකු දූෂණය කිරීම සම්බන්ධයෙන් අවශ්ය වූ 30 හැවිරිදි ශ්රී ලාංකිකයෙක්.
- ග්රේටර් මැන්චෙස්ටර්හිදී අත්අඩංගුවට ගත් ජර්මනියේ ස්ත්රී දූෂණයක් සම්බන්ධයෙන් අවශ්ය වූ 38 හැවිරිදි ඉරාක ජාතිකයෙක්.
- බෙඩ්ෆර්ඩ්ෂයර්හිදී අත්අඩංගුවට ගත් ප්රංශයේ මිනීමැරුම් සම්බන්ධයෙන් අවශ්ය වූ 29 හැවිරිදි ඊජිප්තු ජාතිකයෙක්.
- ග්රේටර් මැන්චෙස්ටර්හිදී අත්අඩංගුවට ගත් මිනිස් ජාවාරම් සඳහා ජර්මනියට අවශ්ය වූ 41 හැවිරිදි සිරියානු ජාතිකයෙක්. .
- ලන්ඩනයේදී අත්අඩංගුවට ගත් මිනිස් ජාවාරම සඳහා ප්රංශයට අවශ්ය වූ 30 හැවිරිදි බල්ගේරියානු ජාතිකයෙක්
- ස්ත්රී දූෂණයක් සඳහා ජර්මනියට අවශ්යව සිටින 23 හැවිදි යුක්රේන ජාතිකයෙක්
- රුමේනියාවට අවශ්යව සිටින ලිංගික අපරාධ චෝදනා ලැබූ 31 හැවිරිදි රුමේනියා ජාතිකයෙක්
ඔපරේෂන් ලිබර්ටෙරා III යනු මිනිස් ජාවාරම සහ මිනිස් ජාවාරම ඉලක්ක කරගත් අපරාධකරුවන් සොයා යමින් ඉන්ටර්පෝල් මෙහෙයවන ගෝලීය මර්දන මෙහෙයුමකි. එහි ප්රතිඵලයක් ලෙස එක්සත් රාජධානිය තුළ අත්අඩංගුවට ගත් මෙම 07 දෙනාද ඇතුළුව ලොව පුරා අත්අඩංගුවට ගැනීම් 3,700 කට වඩා සිදු වී ඇත.
