පළාත් සභා පවත්වාගෙන යනවා නම් මහජන නියෝජිතයින් පත් කරන්න… නැතිනම් පළාත් සභා ක්‍රමය අහෝසි කරන්න… දකුණු පළාත් ආණ්ඩුකා විලී ගමගේ

ලලිත් චාමින්ද –

පළාත් සභා ක්‍රමය තවදුරටත් පවත්වාගෙන යන්නේ නම් එය ආණ්ඩුකාරවරයකු  හෝ නිලධාරින් යටතේ නොව මහජන නියෝජනයක් යටතේ තිබිය යුතු බැව්  දකුණු පළාත් ආණ්ඩුකාරවර ආචාර්ය විලි ගමගේ පවසයි.

කෙතරම් බලතල තිබුනද පළාත් සභාවේ පාලනය ආණ්ඩුකාරවරයාට පමණක්  තනියෙන් සිදුකළ නොහැකි බවත් පළාත් සභාව සඳහා මහජන නියෝජනයක් අත්‍යවශ්‍ය බවද හෙතෙම පවසයි.

එසේ නොවුනහොත්   ජනතාවගේ  ප්‍රශ්න මගහැරි යන බවද ආණ්ඩුකාරවරයා පෙන්වා දෙයි.

දකුණු පළාත් ආණ්ඩුකාර කාර්යාලයේ දි පැවති මාධ්‍ය හමුවකදි  මේ පිළිබද තවදුරටත් අදහස් දක්වමින් ආණ්ඩුකාරවරයා මෙසේද කිවේය.

“  පළාත් සභා සදහා මහජන නියෝජිතයින්ගේ ආගමනයක් බලාපොරොත්තු වෙනවා. එක සිදුවිය යුතුයි. එහෙම නැත්නම්  පළාත් සභා ක්‍රමය අහෝසිකරණවානම් එක වෙනම කථාවක්. පළාත් සභාව පවත්වාගෙන යනවානම්  එය ආණ්ඩුකාවරයකු හෝ නිලධාරින් යටතේ නෙවෙයි තිබිය යුත්තේ එය මහජන නියෝජනයක් යටතේ. “ ආණ්ඩුකාරවරයා  සඳහන් කළේය