ශ්රී ලංකාවට වාහන ආනයනය සඳහා පනවා තිබූ සීමා ඉවත් කිරීමත් සමඟ 2025 වසරේ ජනවාරි සිට අගෝස්තු දක්වා මාස 08ක කාලපරිච්ඡේදය තුළ දී, මෙරටට වාහන ආනයනය සඳහා එක්සත් ජනපද ඩොලර් මිලියන 1,007.5ක වියදමක් දරා ඇති බව ශ්රී ලංකා මහ බැංකුව පවසයි.
ශ්රී ලංකා මහ බැංකුව විසින් නිකුත් කරන ලද 2025 අගොස්තු විදේශීය අංශ ක්රියාකාරීත්ව වාර්තාවෙහි මේ බව සඳහන් වේ.
මෙහිදී මෙම වසරේ තනි මාසයක් තුළ සිදුකළ වැඩිම වාහන ආනයන වියදම 2025 අගෝස්තු මාසයේ දී වාර්තා වන අතර එය ඩොලර් මිලියන 255.7ක් වේ.
2025 වසරේ ජනවාරි මස 29.1ක් ද, පෙබරවාරි ඩොලර් මිලියන 22.3ක් ද, මාර්තු ඩොලර් මිලියන 54ක් ද, අප්රේල් ඩොලර් මිලියන 145.6ක් ද, මැයි ඩොලර් මිලියන 125.2ක් ද, ජූනි ඩොලර් මිලියන 169.6ක් ද, ජූලි ඩොලර් මිලියන 206ක් ද, අගෝස්තු ඩොලර් මිලියන 255.7ක් ද වශෙයෙන් මෙම වාහන ප්රමාණය රට තුළට ගෙන්වා තිබේ.
