2026 ආරම්භ වී දවස් 13ක් ගතවීමට පෙර සිදුවූ රිය අනතුරුවලින් පුද්ගලයින් 78 දෙනෙක් මිය ගොස් ඇතැයි පොලිසිය පවසයි.
ගෙවුන පැය 24 තුළත් රිය අනතුරුවලින් පුද්ගලයින් 05 දෙනෙක් මිය ගොස් තිබ්.
රථවාහන පාලන හා මහාමාර්ග ආරක්ෂාව සම්බන්ධ දිසාව භාර නියෝජ්ය පොලිස්පති ඩබ්ලියු.පී.ජේ.සේනාධීර ඊයේ (12) ඊයේ කොළඹ පැවති මාධ්ය සාකච්ඡාවක් අමතමින් ප්රකාශ කරනු ලැබුවේ මුල් දින 12 තුළ රථ වාහන අනතුරුවලින් පුද්ගලයින් 73ක් මිය ගොස් ඇති බවය.
“ ජනවාරි පළමු වෙනිදා සිට අපි පෙරේදා (12) දක්වා ගත්තොත් එහෙම මාරක මාරක රිය අනතුරු තියනවා 68ක්. මිය ගිය ගණන 73 යි. එහිත් විශේෂත්වයක් තියනවා. 12 වැනිදා සමස්ථ රිය අනතුරුවලින් මිය ගිය සංඛ්යාව 16ක් බවට පත් වෙලා තියනවා.”
“විශ්ලේෂණාත්මකව මේ අනතුරු වැඩි වුනේ ඇයි කියලා බැලුවොත් එහෙම විශේෂයෙන්ම මේ අනතුරුවලට ප්රධාන හේතුව නින්ද යෑම. නින්ද යන්න ප්රධානම හේතුව අධික වෙහෙස. අපි මාධ්ය හමුවල පැහැදිලිවම කියනවා අපේ නිලධාරීන් දැනුම්වත් කරනවා විශේෂයෙන්ම රථ වාහන පදවනවා නම් අධික වෙහෙස තියාගෙන පදවන්න එපා. බීමත්ව හත් දාහකට වැඩිය සංඛ්යාවක් ගිය අවුරුද්දේ අරන් තියනවා. ගිය අවුරුද්දේ මාරක රිය අනතුරුවලින් සියයට තිස් එකක් මිය ගිහින් තිබෙන්නේ පදිකයො..” ඔහු පැවසුවේය.
