සෙනසුරාදා යළි ශ්රී ලංකාවට පැමිණීමට නියමිත පලාගිය ජනාධිපති ගෝඨාභය රාජපක්ෂ මහා ඉහළින් පිළිගැනීමට පොදු ජන පෙරමුණ සැලසුම් කර ඇත.
ගෝඨාභය රාජපක්ෂට මෙරටට පැමිණීමට අවශ්ය පහසුකම් හා ආරක්ෂාව තහවුරු කරන ලෙස පොදුජන පෙරමුණ මීට ඉහත දී ජනාධිපති රනිල් වික්රමසිංහගෙන් ඉල්ලීමක් කරනු ලැබීය.
ඒ අනුව ඊට අවශ්ය සියලු පියවර ජනාධිපති උපදෙස් මත ලබා දී ඇති බව රජයේ අභ්යන්තර ආරංචි මාර්ග සඳහන් කළේය.
කටුනායක ගුවන්තොටුපලේ දී ගෝඨාභය රාජපක්ෂ පිළිගෙන එතැන් සිට මිරිහානේ නිවස කරා කැඳවාගෙන ඒමට සැලසුම් කර ඇති බව පොදුජන පෙරමුණේ මන්ත්රීවරයෙක් ලංකාසරට පැවසීය.
ගෝඨාභය රාපක්ෂ ශ්රී ලංකාවට පැමිණෙන්නේ සෙනසුරාදා කීයට දැයි දැයි ලංකාසර කළ විමසුකට පිළිතුරු දුන් එම මන්ත්රීවරයා ඒ සම්බන්ධව තමාට නිශ්චිතව අනාවරණය කළ නොහැකි බව සඳහන් කළේය.
ගෝඨාභය රාජපක්ෂ කියන්නෙ රට වෙනුවෙන් කැප වී කටයුතු කළ පුද්ගලයෙක් බවත් ඔහු නිකම්ම බැහැර කළ නොහැකි පුද්ගලයෙක් බවත් එම මන්ත්රීවරයා පැවසීය.
හිටපු ජනාධිපතිවරයෙකුට හිමි වරප්රසාද සියල්ල ගෝඨාභය රාජපක්ෂට හිමි යුතු බව කියන එම මන්ත්රීවරයා එය කිසිවෙකුටත් අභියෝගයට ලක් කළ නොහැකි බව පෙන්වා දුන්නේය.
ගෝඨාභය රාජපක්ෂ මන්ත්රීවරයෙක් ලෙස පාර්ලිමේන්තුවට පිවිසීමට සූදානම් වන්නේ නම් ඊට ද අවකාශය සලසා දීමට පොදුජන පෙරමුණ සූදානම් බව එම මන්ත්රීවරයා සඳහන් කළේය”
ජනතා විරෝධය හමුවේ පසුගිය 13 වැනිදා රටින් පලා ගිය හිටපු ජනාධිපතිවරයා මාලදිවයිනටත්, එතැනින් සිංගප්පූරුවටත් සිංගප්පූරුවෙන් තායිලන්තයටත් ගොස් මේ වනවිට තායිලන්තයේ හෝටලයක ගතකරමින් සිටී.
