කෙහෙල්බද්දර පද්මේ සමඟ රංගන සහ නිරූපණ ශිල්පිනියන් 05 දෙනෙක් පමණ සම්බන්ධකම් පවත්වා ඇති බව අපරාධ පරීක්ෂණ දෙපාර්තමේන්තුව විසින් කළ විමර්ශනවලින් හෙළිවී තිබේ.
කෙහෙල්බද්දර පද්මේගේ ජංගම දුරකතනය විශ්ලේෂණය කිරීමේදී කෙහෙල්බද්දර පද්මේ සමඟ ඒ අය සම්බන්ධකම් පවත්වා ඇති බව පෙනී ගොස් ඇත.
එම නිරූපණ ශිල්පීන් සහ රංගන ශිල්පීහු ඩුබායිහි සංචාරය කළ අවස්ථා කිහිපයකදී කෙහෙල්බද්දර පද්මේ ඔවුන් සමඟ රැඳීසිට ඡායාරූප පවා ගෙන තිබෙන බවත්, එම ඡායාරූප කෙහෙල්බද්දර පද්මේගේ ජංගම දුරකතනයේ තිබී හමුවී ඇති බවත්, අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
ඒ අනුව පද්මේ සමග පැවති සම්බන්ධතාවය ගැන රංගන ශිල්පී පියුමි හංසමාලිගෙන් අපරාධ පරීක්ෂණ දෙපාර්තමේන්තුව විසින් ප්රශ්න කර ප්රකාශ සටහන් කරගෙන ඇත. ඉදිරියේදී රංගන ශිල්පීන් කිහිප දෙනෙක්ගෙන්ද මේ සම්බන්ධයෙන් ප්රශ්න කිරීමට නියමිත බව අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
කෙහෙල්බද්දර පද්මේ සමග පෙනී සිටි ඡායාරූපයක් නිසා අපරාධ පරීක්ෂණ දෙපාර්තමේන්තුවට කැඳවා තිබූ පියුමි හංසමාලි ප්රකාශ කර තිබුණේ “කෙහෙල්බද්දර පද්මේ” ලෙස හඳුන්වන පාතාල චරිතය සමඟ තමාට කිසියම් සම්බන්ධයක් නොමැති බවය. එසේ පළවන ප්රකාශ තරයේ ප්රතික්ෂේප කරන බවය.
.ෆේස්බුක් සටහනකින් ඇය පැහැදිලි කළේ, 2022 මාර්තු මාසයේදී ඩුබායි හි පැවති අලුත් අවුරුදු උත්සවයකදී කෙහෙල්බද්දර පද්මේව මුණගැසුණේ එක් වරක් පමණක් බවත්, එම හමුවීම අහම්බෙන් සිදු වූ බවත්ය.
“මම මුලින්ම මේ පුද්ගලයාව ඔහුගේ බිරිඳ සහ දරුවන් සමඟ එම උත්සවයේදී දුටුාවා. ඔවුන් මා සමඟ ඡායාරූපයක් ගත්තා. ඔහු වඩාත් ආකර්ශනීය වීමට කැමති බව කීවා. මම ඔහුට මගේ පියුමි සම නිෂ්පාදන භාවිතා කරන ලෙස පැවසුවා,” ඇය ලිවීය. පද්මේ දැන් ඉතා ආකර්ශනීය පෙනුමක් ඇති බැවින්, ඇගේ නිෂ්පාදන භාවිතා කර ඇති බව හංසමාලි නම් ඇත්තක් බව හංසමාලි කීවාය.
පද්මේ සමඟ ඇය කිසි විටෙකත් කිසිදු මූල්ය ගනුදෙනුවකට සම්බන්ධ වී නොමැති බව හංසමාලි අවධාරනය කළාය.
“CID එක ඇහුවා මම එයා එක්ක කිසිම මූල්ය ගනුදෙනුවක් කරලා තියෙනවද කියලා – කවදාවත් නැහැ! මට මත්ද්රව්ය මුදල්, නීති විරෝධී මුදල් හෝ කළු සල්ලි අවශ්ය නැහැ. මම මගේ ව්යාපාරය වන පියුමි ස්කින් ප්රයිවට් ලිමිටඩ් ගොඩනඟා ගත් ස්වාධීන කාන්තාවක්,” ඇය කීවාය.
