මනම්පිටිය නිමල් ජයරත්න –
විදුලි බල මණ්ඩලය කෑලි පහළොවකට කඩා ප්රතිව්යුහගත කර එළඹෙන නොවැම්බර් මාසයේදී සියයට 22 කින් විදුලි බිල නැංවීමට කටයුතු කරමින් සිටින බව, එක්සත් ජනරජ පෙරමුණේ නායක, කොළඹ දිස්ත්රික් පාර්ලිමේන්තු මන්ත්රී පාඨලී චම්පික රණවක සඳහන් කළේය.
අයි.එම්.එෆ්. ණය වැඩපිළිවෙළ අනතුරුදායක තත්ත්වයකට පත්ව ඇති බවත්, මෙම සැප්තැම්බර් අවසානයේ අලුත් මාණ්ඩලික ගිවිසුමකට අත්සන් කිරීමට නියමිතව තිබුණ ද මෙතෙක් එය අත්සන් කර නොමැති නිසා එම අනතුරුදායක තත්ත්වය උදාවී තිබෙන බවත් පාඨලී චම්පික රණවක පැවසුවේය.
එක්සත් ජනරජ පෙරමුණේ නායක පාඨලී චම්පික රණවක මේ බව සඳහන් කළේ අද (29) සවස අභිනවයෙන් පත්වූ දිඹුලාගල ආරණ්ය සේනාසනාධිපති පූජ්ය දිඹුලාගල රාහුලාලංකාර නාහිමියන් බැහැ දැක අනතුරුව මාධ්ය වෙත අදහස් දක්වමිනි.
මන්ත්රීවරයා මෙසේ ද පැවසුවේය.
“විදුලි බිල වැඩි කරන්න මහජන උපයෝගිතා කොමිසමට ඉල්ලීමක් කරල තිබෙනවා. ඒ නිසා විදුලි බිල අඩු වෙන එක නෙමෙයි වෙන්නෙ මේ නොවැම්බර් මාසේ සියයට 22 කින් වැඩි වෙන එකයි සිද්ධවෙන්නේ. විදුලිබල බල මණ්ඩලය ලාභ ගන්න හැටිත්, විදුලි බිල අඩු කරන හැටිත් මම 2015දී පෙන්නුම් කරලා දුන්නා. 2015 දින100 වැඩසටහන යටතේ විදුලි බිල සියයට 15කින් අඩු කරල රුපියල් කෝටි දෙදහක් ලාභයක් ඉපයු හැටි පෙන්නුවා. විදේශ සමාගම් ගෙන්නුවා කියලා, ආසියානු සංවර්ධන බැංකුවෙන් ණය ගත්තා කියලා මේවා කරන්න බෑ. මේවා කළමනාකරණයේ තියෙන ප්රශ්න.
ඉදිරියේදී අන්තිම විශේෂඥ වෛද්යවරයාත් රට දාලා යනවා තත්ත්වයට පත් වෙනවා. අන්තිම ගුරුවරයාත් රට දාල යන තත්ත්වයට පත්වෙනවා. අද ශාසනය බරපතළ තත්ත්වයට පත්වෙලා තිබෙනවා. විශාල භික්ෂූන් වහන්සේලා පිරිසක් උපවැදි වෙමින් සිටිනවා.
“මේ ආණ්ඩුව කරන්නේ අයි.එම්,එෆ් එකට ලුණු ඇඹුල් දාන එක විතරයි. මේ ලඟදි එක්සත් ජාතීන්ගේ සංවර්ධන වැඩසටහන නිකුත් කළ වාර්තාවක් අනුව හැම දහදෙනෙක්ගෙන්ම හයදෙනෙක් සෞඛ්ය අහිමිකරගෙන… එක්කෝ හිඟමනට වැටිල… එහෙම නැත්නම් අධ්යාපනය අහිමි කරගෙන..” පාඨලී චම්පික රණවක මන්ත්රීවරයා කීවේය.
