අපරාජිතව ප්රසාද ලකුණු ලයිස්තුවේ ඉහළින්ම සිටිනා ඉන්දියාව මේ තරගාවලියේ පළමු වරට ප්රබල තර්ජනයක් එල්ල කර තිබේ. ඒ ප්රසාද ලකුණු ලයිස්තුවේ අවසන් ස්ථානයේ පසුවන වත්මන් ලෝක ශූර එංගලන්තයෙනි.
ඉන්දියාව ලකුණු 229කට සීමා වී තිබේ. ලක්නව් වල පැවැත්වෙන තරගයේ කාසියේ වාසිය දිනූ එංගලන්තය පළමුව පන්දු රැකීම තේරුවේය. එම තේරීම බෙහෙවින්ම නිවැරදි බව ප්රකාශ වී ඇත.
නායක රෝහිත් ෂර්මා පන්දු 101ක දී ලකුණු 87ක් ලබා ගත්තේය. ඒ හතරේ පහර 10ක් සහ හයේ පහර 03ක් සමගය. ඉන් අනතුව සූරිය කුමාර් යාදේව් ලකුණු 49ක් සහ කේ.එල්. රාහුල් ලකුණු 39ක් ලැබුවේය.
අනෙක් හැම පිතිකරුවෙක්ම එංගලන්ත පන්දු යවන්නන් ඉදිරියේ නිරුත්තර විය. ශුබමන් ගිල් ලකුණු 09කි. වාරාට් කොලි ලකුණු ලබා ගත්තේ නැත. රවීන්ද්ර ජඩේජා ලකුණු 08කි. මොහොමඩ් ෂාමි ලකුණු 01කි. කුල්දීප් යාදේව් ලකුණු 09කි. තියුණු පන්දු යැවීම වයිඩ් පන්දු 03ක් පමණක් වාර්තා කළේය. අතිරේක ලකුණු 4ක් සමග මුලු අතිරේක ලකුණු 07කි.
මනරම් පන්දු යැවීමක යෙදුන ඩේවිඩ් විලි ලකුණු 45ට කඩුළු 3ක්, ක්රිස් වෝක්ස් ලකුණු 33ට කඩුළු 2ක්, අඩිල් රෂඩ් ලකුණු 35ට කඩුළු 2ක්, මාරක් වුඩ් ලකුණු 46ට කඩුල්ලක් ලැබුවේය.
එංගලන්ත පිතිකරණ ලයිස්තුව ලකුණු අතර නොසිටින බව සැබෑය. නමුත් මේ ඉලක්කය ඔවුන්ට ලබා ගත හැකි ඉලක්කයකි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මේ තරගය එංගලන්ත කණ්ඩායම ජයග්රහණය කළහොත් මේ තරගාවලියම උඩු යටිකරු වනු ඇත. ප්රසාද ලකුණු ලයිස්තුවේ අංක 01 සිටින අපරාජිත කණ්ඩායම ලකුණු ලයිස්තුවේ අන්තිමයා වූ මේ තරගාවලියේ අසාර්ථකම කණ්ඩායමට පැරදීම අපූරු චමත්කාරයකි. ක්රිකට් කියන්නේ ඒ චමත්කාරය ය.
