වෛද්යවරුන්ගේ ස්ථානමාරුවීම් එන්තරවාසි ඉදිරිපත් කරමින් අවලංගු කර ගැනීමට කටයුතු කළහොත් දැඩි ක්රියාමාර්ගයන් ගැනීමට විශේෂඥ වෛද්යවරුන් පිරිසක් සුදානමින් සිටින බව වාර්තාවේ.
ගාල්ල කරාපිටිය රෝහලේ අධිකරන වෛද්ය නිලධාරිවරයාගේ උවමනාව මත එම රෝහලට අනුයුක්ත කර ගත් අධිකරණ වෛද්ය නිලධාරිවරිය අම්පාර රෝහලට මුදා හැර ඇති මොහොතක ඇය නීතීඥවරයක් මාර්ගයෙන් සෞඛ්ය සේවා අධ්යක්ෂ ජනරාල්වරයාට එන්තරවාසියකින් දැනුම් දී ඇත්තේ අම්පාර රෝහලට අධිකරණ වෛද්ය නිලධාරිවරයෙකුගේ සහය ඉල්ලා නොමැති මොහොතක ඇයට ස්ථානමාරුවක් ලබා දීම ද්වේෂ සහගතව ඇයගෙන් පලිගැනීමේ චේතනාව මත සිදුකළ ක්රියාවක් බවයි.
මේ හේතුවෙන් මෙම ස්ථානමාරුව වහාම අවලංගු කරන්නැයි ඇය සිය නීතීඥයා මාර්ගයෙන් සෞඛ්ය සේවා අධ්යක්ෂ ජනරාල්වරයා වෙත එන්තර වාසියක් එවා ඇත.
එන්තර වාසියේ එසේ සඳහන් වුවද අම්පාර රෝහලේ අධ්යක්ෂවරයා සෞඛ්ය අමාත්යංශයේ නියෝජ්ය අධ්යක්ෂ ජනරාල් (වෛද්ය සේවා ) වෙත දැනුම් දී ඇත්තේ අධිකරණ වෛද්ය සේවා කටයුතු සිදුකර ගැනීමට විශේෂඥ වෛද්යවරයෙකු එවීමට කටයුතු කරන ලෙසයි.
ඇය අම්පාර රෝහලවෙත යාම වෙනුවට ගාල්ල කරාපිටිය රෝහලේ ශල්ය වෛද්ය වාට්ටුවකට ඇතුළතව බරපතල රෝගයක් යැයි පවසා ජුලි 9 වන දින දක්වා වෛද්ය සහතිකයක් ලබාගෙන ඇති නමුත් තවදුරටත් ඇයට වෛද්ය සහතික නිකුත් කිරිමට විශේෂඥ වෛද්යවරුන් කටයුතු නොකිරීමට තීරණය කර ඇතැයි රෝහල් ආරංචි මාර්ග සඳහන් කරයි.
කෙසේ නමුත් සෞඛ්ය සේවා අධ්යක්ෂ ජනරාල්වරයා වෙත එවන ලද ලිපියට අනුව ඇයගේ ස්ථානමාරුව ඉවත් කළහොත් අනෙක් වෛද්යවරුන් පර්යන්ත රෝහල්වලට මාරුකර හැරීමට නොහැකි තත්ත්වයක් උදා වන බැවින් මෙවැනි එන්තර වාසිවලට ක්රියා නොකරන්නැයි විශේෂඥ වෛද්යවරුන් පිරිසක් ඉල්ලා ඇතැයිද වාර්තාවේ.
