දිනසේන රතුගමගේ –
ධීවර සංගම් ඇතුළු ධීවර ප්රජාවගේ විරෝධය නොතකා නීති විරෝධී දැල් ආම්පන්න සහ නීති විරෝධී ක්රමවේද එළිපිට භාවිතා කරමින් ධීවර කර්මාන්තයේ යෙදෙන මැරයෙකු අතර විරසකය ගැටුමක් දක්වා දුර දිග ගියද ඊට එරෙහිව නිසි පරිදි නීතිය ක්රියාත්මක නොවීම හේතුවෙන් යාපනයේ වෙත්තිලකේණී විනයාගපුරම් ප්රදේශයේ ධීවරයෝ මුහුදු යෑම වර්ජනය කර වෙත්තල්කේණි තොටුපල අසල විරෝධතාවයක් ආරම්භ කර තිබේ.
මේ තත්ත්වය හේතුවෙන් ඊයේ ඇති වූ ගැටුමක් නිසා එක් ධීවරයෙකු බරපතල ලෙස තුවාල ලබා රෝහල් ගත කර ඇත. .
වෙත්තල්කේණි ධීවර වරායට පැමිණි එක් ධීවරයෙකු ලණු 150 කටත් වඩා වැඩි ප්රමාණයක් භාවිත කරණ නීති විරෝධී දැලක් යොදා ගෙන මසුන් මැරීම මේ ආරවුලට මුලය. මේ හේතුවෙන් දැනට දින කීපයක් තිස්සේ වෙත්තිලකේණී ධීවර තොටුපලේ ධීවරයින් අතර ඉතා උණුසුම්කාරී වාතාවරණයක් ගොඩනැගී තිබිණි.
නීති විරෝධී දැල භාවිත කොට නීති විරෝධීව ට්රැක්ටර් හා ටිපර් රථ භාවිත කරමින් එම දැලැ ඇදීමේ ක්රියාවට ධීවර සංගමයේ සෙසු ධීවරයින් විරෝධය පල කිරීම නොතකා නීති විරෝධී දැලේ හිමිකරු තවත් පිරිසක්ද කැටුව බලහත්කාරයෙන් එම දැල මුහුදට දැමීමට යාමේදී ඊයේ ඇතිවූ ගැටුම හට ගෙන තිබේ.
පහර කෑමට ලක්ව රෝහල්ගත කර ඇත්තේ නීති විරෝධී දැල මුහුදට දැමූ ධීවරයාගේ සේවකයෙකි.
තුවාල ලැබූ පුද්ගලයා රැගෙන එම ධීවරයා අදාල ස්ථානයෙන් ඉවත්ව ගොස් ඇතත් ඔහුට එරෙහීව නීතිය ක්රියාත්මක නොවීමට විරෝධය පල කරමින් ධීවරයෝ වෙත්තිලකේණී තොටුපල අසල විරෝධතාවය ආරම්භ කොට තිබේ.
යාපනය සහකාර ධීවර අධ්යක්ෂ කාර්යාලය හා පේදුරුතුඩුව පොලීසිය පරීක්ෂණ ආරම්භ කොට තිබේ.
