සැලසුම් දෝෂ සහ බැටරි ආශ්රිත ආරක්ෂක අවදානම් හේතුවෙන් චීනයේ BYD සමාගම විසින් 2015 සහ 2022 අතර නිෂ්පාදනය කරන ලද ටැන්ග් මාදිලියේ සහ යුවාන් ප්රෝ මාදිලියේ වාහන 115,000 කට වඩා වැඩි ප්රමාණයක් නැවත කැඳවීමට එම සමාගම තීරණය කර තිබේ.
2015 මාර්තු සහ 2017 ජූලි අතර නිෂ්පාදනය කරන ලද ටැන්ග් ශ්රේණියේ වාහන 44,535 ක් ආපසු කැඳවීමට BYD විසින් වෙළඳපල නියාමනය සඳහා වන රාජ්ය පරිපාලනයට සැලැස්මක් ගොනු කර තිබෙන බව රොයිටර් වාර්තා කරයි .
බැටරි ස්ථාපනයට බලපාන නිෂ්පාදන ගැටලු හේතුවෙන් 2021 පෙබරවාරි සහ 2022 අගෝස්තු අතර නිෂ්පාදනය කරන ලද යුවාන් ප්රෝ විදුලි වාහන 71,248 ක් ද මේ ආකාරයෙන් ආපසු කැඳවීමට නියමිතය.
ජනවාරි මාසයේදී BYD සමාගම ගිනි ගැනීමේ අවදානම් උපුටා දක්වමින් Fangchengbao Bao 5 ප්ලග්-ඉන් හයි බ්රීඩ් ඕෆ් රෝඩ් SUV රථ 6,843 ක් ආපසු කැඳවීම සිදු කළේය.
ඊට පෙර, 2024 සැප්තැම්බර් මාසයේදී වාහනයේ සුක්කානම පාලනය කරන ඒකකයක නිෂ්පාදන දෝෂයක් හේතුවෙන් BYD සමාගම ඩොල්ෆින් සහ යුවාන් ප්ලස් විද්යුත් වාහන 97,000 කට ආසන්න ප්රමාණයක් ආපසු කැඳවා තිබුණි.
