නියමිත කාලය තුළ නිලවරණ නොපැවැත්විම හේතුවෙන් දකුණු පළාතේ විවිධසේවා සමුපාකාර සමිති 09ක පාලන බලය සමුපාකාර කොමසාරිස්වරයා යටතට පවරාගෙන ඇති බැව් දකුණු පළාත් වැඩබලන සමුපාකාර කොමසාරිස් චන්ද්රිකා වික්රමසිංහ සඳහන් කළාය.
ඒ අනුව මාතර දිස්ත්රික්කයේ වැලිගම, කඹුරුපිටිය, බෙරලපනාතර, කොටපොල , දික්වැල්ල, දෙවිනුවර, හක්මන, යන විවිධසේවා සමුපාකාර සමිති සහ හම්බන්තොට දිස්ත්රික්කයේ තංගල්ල හා බෙලිඅත්ත යන විවිධසේවා සමුපාකාර සමිති නියමිත කාලය තුළ නිලවරණය නොපැවැත්විම නිසා එවායේ පාලනය සමුපාකාර කොමසාරිස්වරයා යටතට පත්කොට ඇති බවද ඇය සදහන් කළාය.
මෙම සමුපාකාර සමිති විසින් දිගින් දිගටම සමුපාකාර නිලවරණය නොපවත්වා පවත්වාගෙන යාම හේතුවෙන් 2019 අංක 06 දරණ සමුපාකර ප්රඥප්තිය යටතේ පැවරි ඇති බලතල ප්රකාරව එම සමුපාකාර සමිතිවල පාලනය පවත්වාගෙන යාම සදහා පාලක මණ්ඩලයක් පත්කොට ඇති බවද වැඩබලන සමුපාකාර සංවර්ධන කොමසාරිස්වරිය පැවසුවාය.
මෙම විවිධ සේවා සමුපාකාර සමිතිවල පාලක මණ්ඩලය සදහා සමුපාකාර සංවර්ධන නිලධාරියකු හා වෘත්තිකයින් දෙදෙනෙකු පත්කොට ඇති බව ද ඇය සඳහන් කළාය.
විවිධසේවා සමුපාකාර සමිතියක නිල කාලය වසර තුනක් බවත් එම නිල කාලය අවසන් විමෙන් පසු විධිමත්ව නිලවරණයක් පවත්වා අධ්යක්ෂක මණ්ඩල සාමාජිකයින් පත්කර ගතයුතු බවත් දකුණු පළාත් වැඩබලන සමුපාකාර කොමසාරිස්වරිය පවසන්නිය.
පාලක මණ්ඩල යටතට පවරාගෙන ඇති මෙම සමුපාකාර සමිති නවය සඳහා මාස තුනක් ඇතුළත නිලවරණයක් පවත්වා එම විවධසේවා සමුපාකාර සමිති ප්රජාතන්ත්රවාදි ලෙස ඒවායේ පාලනය පවත්වාගෙන යාමට අවස්ථාව ලබාදෙන බවද ඇය වැඩිදුරටත් සඳහන් කළාය.
දුර්වල මුල්ය පාලනය හා මුදල් අවභාවිතා කිරිම සම්බන්ධයෙන් මෙම සමුපාකාර සමිතිවලට චෝදනා එල්ලවී ඇත.
