දිනසේන රතුගමගේ –
ජාතික නිදහස් දින උළෙල ශෝක දිනයක් ලෙස ප්රකාශයට පත්කොට තිබූ උතුරේ දෙමළ දේශපාලනඥයින් හා ස්වේච්ඡා සංවිධාන කීපයක පිරිස් කලු කොඩි රැගෙන සටන් පාඨ කියමින් කිළිනොච්චිය නගරයේ විරෝධතා පෙළපාලියක් පැවැත්වූහ.
මේ පිරිස ජාතික නිදහස් දිනය උතුරු නැගෙනහිර දෙපළාතේම වැසියන්ට ශෝක දිනයක් ලෙස ප්රකාශයට පත්කොට තිබුණේ මීට සතියකට පමණ ඉහතදීය.
යුද අනාථයින් යළි පදිංචි නොකිරීම, අතුරුදහන්වූ පිරිස වෙනුවෙන් සාධාරණයක් ඉෂ්ඨ නොවීම, ඉඩම් අහිමි වීම, දෙමළ දේශපාලන සිරකරුවන් නිදහස් නොකිරීම වැනි කාරණා මත දෙමළ වැසියන්ට මේ රටේ නිදහසක් නොමැති බව කියමින් විවිධ සටන් පාඨ කියමින් විරෝධතා පුවරු රැගෙන මේ පිරිස පෙළපාලිවල ගමන් කළහ.
අවසානයේදී කිළිනොච්චියේ කන්දසාමී කෝවිල ඉදිරිපිටට එකතු වූ විරෝධතාකරුවෝ කෝවිල ඉදිරිපිට දේව කන්නලව්වක්ද පවත්වනු ලැබූහ.
මේ ලිපියත් කියවන්න….
