නාඩු සහල් කිලෝවක් රුපියල් 230 දක්වා මිලකට ඉහළ ගොස් ඇත්තේ වෙළෙඳපලේ නිර්මාණය කළ කෘතිම තත්ත්වයක් නිසා විය හැකි බව වෙළෙඳ අමාත්යාංශ ලේකම් එම්.එම්. නයිමුදීන් පවසයි.
මාධ්ය වෙත අදහස් දක්වමින් වෙළෙඳ අමාත්යාංශ ලේකම්වරයා ප්රකාශ කළේ මේ නාඩු සහල් මිල ඉහළ යන්නේ පසුගිය කන්න දෙකේම නාඩු වී ඇස්වැන්න ප්රශස්ත මට්ටමක පැවති තත්වයක් තුළ බවය.
එසේ තිබිය දි මේ වනවිට වෙළෙඳපලේ කෘතිම සහල් හිඟයක් ඇති කර තිබෙන්නේ යැයි අනුමාන කරන බව කී වෙළෙඳ අමාත්යවරයා පවතින තත්ත්වය පිළිබඳව මහා පරිමාණ මෝල් හිමියන් සමග සාකච්ඡා කරන බවත්, සතොස හරහා නාඩු වී ඍජුව මිලදී ගෙන සහල් බවට පත් කර වෙළෙඳපලට නිකුත් කිරීමට පියවර ගන්නා බවත් පැවසුවේය.
මේ සම්බන්ධව කරන විමසිම්වල දී මරදගහමුල්ල සහල් නිශ්පාදකයින්ගේ සංගමය පවසන්නේ නාඩු වී මිල සම්බා වී මිලට වඩා ඉතිහාසේ නොවූ තරම් මිල ඉහළ යෑමක් වාර්තා වන බවත් එම මිලට වී ලබාගෙන රුපියල් 220ක පාලන මිලකට සහල් නිශ්පාදනය කිරීම කුඩා මෝල් හිමියන්ට කළ නොහැකි බවත්ය.
එහි සභාපති බී.කේ.රන්ජිත් ප්රකාශ කළේ මේ වී හිඟය නිසා ඇති වී තිබෙන සහල් මිල ඉහළ යෑමේ තත්ත්වය ලබන මහ ජනවාරියේ මහ කන්නයේ අස්වැන්න වෙළෙඳපලට ලැබෙන තුරු පාලනය කළ හැකි ආකාරයක් නොපෙනෙන බවය.
