වැල්ලවත්ත සුපිරි මහල් නිවාස සංකීර්ණයක රැදි සිටින සුපිරි ධනවතුන්ගේ පරිහරණය සදහා කොකේන් හා කූෂ් මත්ද්රව්ය මහා පරිමාණයෙන් ජාවාරම් කරනු ලබන ඉර්ෂාඩ් බායි නැමැති අන්වර්ථ නාමයෙන් හදුන්වනු ලබන මත්ද්රව්ය ජාවාරම්කරු සහ ජාවරමේ යෙදුන තවත් සැකකරුවන් දෙදෙනෙක් අත් අඩංගුවට ගැනීමට වලාන මධ්ය දූෂණ මර්ධන ප්රහාරක බලකාය ඊයේ රාත්රියේ දී (13) සමත් වුනේය.
අත්අඩංගුවට ගන්නා ලද 26 හැවිරිදි ඉර්ෂාඩ් බායි වැල්ලවත්ත කොලින්වුඩ් පාර පිහිටි සීගල් එපාර්ට්මන්ට් නැමැති සුපිරි මහල් නිවාස සංකිර්ණයේ දෙවැනි මහලේ නිවාසයක් මාසයකට රු. 1,80,000/ = ක මුදලකට කුලියට ගෙන මෙම ජාවාරමේ නිරත වී ඇත.
දැනට බන්ධනාගාර ගතව සිටින මත්ද්රව්ය ජාවාරම්කරුවෙකු විසින් මෙහෙයවනු ලබන මෙම මත්ද්රව්ය ජාවාරමේ මහමොළකරු වන මොහු දිවයිනපුරා පිහිටි සුප්රසිද්ධ රාත්රි සමාජශාලා සඳහා මෙන්ම ඉහළ පෙළේ රැකියාවන් කරන ධනවතුන් සහ පෞද්ගලික විශ්ව විද්යාලවල උසස් අධ්යාපනය ලබන සුපිරි ධනවතුන්ගේ දරුවන් ඉලක්ක කර ඉතා රහසිගතව හා සුක්ෂම අයුරින් මෙම මත්ද්රව්ය ජාලය මෙහෙයවා ඇති බව අනාවරණය වී තිබේ.
අත් අඩංගුවට ගත් අනෙක් පුද්ගලයින් දෙදදෙනා ඉෂාර්ඩ් බායිගේ මත් කුඩු ජාවාරම සඳහා යෙදවූ මට්ටක්කුලිය ප්රදේශයේ පදිංචි 25 හැවිරිදි සහ 26 හැවිරිදි කුලී සේවකයින් දෙදෙනෙකි. අවශ්ය ස්ථාන වෙත කොකේන් හා කුෂ් මත්ද්රව්ය රැගෙන ගොස් ඇත්තේ මේ කුලී සේවකයින් විසිනි. අත්අඩංගුවට ගන්නා අවස්ථාවේදි මෙම සැකකරුවන් දෙදෙනා සන්තකයේ ඉල්ලුම් කරන ලද මත්ද්රව්ය ඇනවුම් සහිත මත්ද්රව්ය ද අත්අඩංගුවට ගැනීම සිදු කර ඇත.
මත්ද්රව්ය ලෝලි සුපිරි ධනවතුන් විසින් මෙම මත්ද්රව්ය ඇණවුම් කිරීමේදි මත්ද්රව්ය ග්රෑම් 02 ක් ඉල්ලා සිටින අවස්ථාවේදි මිලි ග්රෑම් 200 බැගින් අඩු කර මත්ද්රව්ය ග්රෑම් 01 මිලි ග්රෑම් 800ක් ග්රෑම් 02 ක වෙළදපොල වටිනාකමට ජාවාරම් කර ඇති බව ද අනාවරණ වී තිබේ.
වලානේ පිහිටි මධ්යම දුෂණ මර්දන ප්රහාරක බලකායේ ස්ථානාධිපති ප්ර.පො.ප. ඉන්දික වීරසිංහ වෙත ලද තොරතුරකට අනුව විශේෂ පොලිස් කණ්ඩායමක් යොදවා ඊයේ රාත්රියේ සිදුකළ මෙම මෙහෙයුමේ දී සැකකරුවන් තිදෙනා සමග රුපියල් ලක්ෂ 06 කට අධික කොකේන් ග්රෑම් 40 ක් සහ හා කුෂ් මත්ද්රව්ය ග්රෑම් 206.6 ක් එම මත්ද්රව්ය ජාවාරමෙන් උපයාගෙන තිබු රුපියල් දහ අට ලක්ෂ හැත්තෑ පන් දහසක්, ජාවාරම සදහා භාවිතා කල ස්මාර්ට් වර්ගයේ ජංගම දුරකථන 05 ක්, ජාවාරමෙන් උපයා ගන්නා ලද මුදල් ගණුදෙනු කළ ATM කාඩ් පත් 02 ක්, මෙම මත්ද්රව්ය තොගය මිනුම් කර පැකට් කිරීම සඳහා යොදා ගන්නා ලද ඉලෙක්ට්රෝනික් තරාදියක්, මත්ද්රව්ය පැකට් කිරීම සදහා යොදා ගන්නා වැකුම් ෂිලර් යන්ත්රයක්, මත්ද්රව්ය ජාවාරමෙන් උපයා ගනු ලබන මුදල් ගණනය කිරීම සඳහා භාවිතා කරන මුදල් ගණින යන්ත්රයක්ද සමඟ අත්අඩංගුවට ගෙන වැඩිදුර විමර්ශන කටයුතු සදහා වැල්ලවත්ත පොලිස් ස්ථානයට ඉදිරිපත් කරන ඇත.
මෙම වැටලීම වලාන මධ්යම දූෂණ මර්දන ප්රහාරක බලකායේ අධ්යක්ෂ, පොලිස් අධිකාරි, කේ.ඒ. උදය කුමාර නියෝග පරිදි ස්ථානාධිපති, ප්රධාන පොලිස් පරීක්ෂක ඉන්දික වීරසිංහගේ මෙහෙයවීමෙන් උ.පො.ප. ජයවීර, පො.සැ. 51068 පුෂ්පකුමාර, පො.කො.කො. 89056 පෙරේරා, 100677 ලක්ෂිත, 104327 දිල්ෂාන්, 104547 කුරුකුලසුරිය, 105086 කේසුමාරන්, 105103 ප්රනාන්දු, පො.කො.රි. 89631 අබේරත්න යන නිලධාරීන් කණ්ඩායම විසින් සිදු කරන ලදී.
