කොටියෙකු සහ සුනඛයෙක් අතර පොරබැදීමක් පිළිබඳ සමාජ මාධ්ය තුළ සංසරණය වන වීඩියෝවක් සම්බන්ධයෙන් වන ජීවි සංරක්ෂණ දෙපාර්තමේන්තුව පරීක්ෂණයක් ආරම්භ කර තිබේ. කොටියා යාල කැලේ සිටිනා විශාලම කොටියා ලෙස සැලකෙන නෙළුමා ය. නෙළුමා සමග සටන් වදින සුනඛයා ජීවිතය බේරා ගන්නේය. මේ ඉන්නේ ඒ තුවාල ලද සුනඛයා ය.
ඒ අවස්ථාවේ දී නෙළුමා අදාල සුනඛයා ගොදුරු කරගැනීමට උත්සාහ කරන අයුරුත් සතුන් දෙදෙනා පොරබදන අයුරුත් අවසානයේ දී සුනඛයා පණ බේරාගෙන පලා යන අයුරුත් වීඩියෝ ගත කර තිබේ. ඒ දේශිය සංචාරකයින් පිරිසක් විසිනි
මේ සිදුවීම සිදුව ඇත්තේ පසුගිය ජනවාරි මස 29 වැනිදා පස්වරු දෙකට පමණය. සිද්ධිය ඇසින් දුටුවන් පැවසුවේ විල්පත්තු වනෝද්යානයේ හුණුවිලගම පිවිසුමේ සිට කිලෝ මීටර 15ක් පමණ දුරකින් මේ සුනඛයා සිටි බවය. ඒ ප්රදේශය තුළ මිනිස් වාසයක් නැත. ආසන්නම හේන් වගා ප්රදේශවලටත් සැලකිය යුතු දුරකි. මේ සුනඛයා මේ තරම් දුරක් වනය තුළට පැමිණි ආකාරය සම්බන්ධව ගැටලුවක් ඇති වී තිබේ. එසේ එනවා නම් ඉතාම අහම්බයකිනි. සුනඛයින් මුව පැටවුන් වැනි කැලෑ සතුන් ආහාරයට ගන්නා බවත් ගම් ආසන්නයේ සිටිනා එවැනි සුනඛයින් වාර්තා වී ඇති බවත් වනජීවී අංශ කියයි. එවැනි සතෙක් කිලෝ මීටර 15ක් වුවද කැලෑව තුළට පැමිණිය හැකි බවට මතුවන තර්කයකි.
එහෙත් මූලිකම සිද්ධාන්තය ඔය කියන වර්ගයේ සුනඛයින් සිටිනවා නම් එසේ එන සුනඛයෙකුට කැලෑව හුරු වීම අනිවාර්ය ය. ඌට කැලෑ සතෙකු තරම් කැලෑව ගැන ඉවක් තිබිය යුතුය. ඌ ගමේ පාරක් දිගේ ආතල් එකේ ඇවිද යනවා සේ කලෑවේ ඇවිද යන්නට සිතනවා නම් ඒ සුනඛයා කිලෝමීටර 15ක් කැලේ ඇතුළට එන්නට පෙර කළ යුතු දේ කරගෙනයය.
මේ සුනඛයා ඇමක් ලෙස නොගත් බව කියන්නට මේ වනවිට සෆාරි කාරයෝ දිවුරමින් වැළලෙති. එහෙත් සිදුවන දේ දකින ඔළුවක් ඇති ඕනෑම එකෙකුට සිද්ධිය තේරුම් ගත හැකිය. මේ ඒ සිදුවිමය.
මේ වීඩියෝව පටිගත වී ඇති ආකාරය විචක්ෂණව බලන ලෙස ඉල්ලා සිටිමු. පසුපසින් ඇති සෆාරි රිය ඉදිරියෙන් සුනඛයා යමින් ඇත්තේ නුහුරු පරිසරයකට එක්වරම ඇදවැටුනාක් වැනි අන්ද මන්ද වූ ගමනකි. මිනිස් වාසයක සිට කිලෝ මීටර 15ක් වනෝද්යානය තුළට එන සතෙක් ප්රකට නොකරන තරමේ අනාරක්ෂිත ආගන්තුක ස්වරූපයක් මේ සුනඛයාගේ හැසිරීමෙහි දැකගත හැකිය. ඌ මරණීය බියෙන් දිව යන්නේත් ජීවිතය වෙනුවෙන් දිවියා සමග සටන් කරන්නේත් බලාපොරොත්තු නැති මොහොතක ඇති වූ කම්පනයක් නිසා බව පැහැදිලිය.
එමෙන්ම පෙනීයන තවත් කාරණයක් වන්නේ වීඩියෝ දර්ශනයක් සදහාම අවශ්ය පසුතලයක් කල් තියා සූදානම් කර තිබූ ආකාරයකි. වීඩියෝ කරන කෝණයේ කොටියා සහ සුනඛයා මාරුවෙන් මාරුවට දර්ශනයට හසුකරගන්නා ආකාරය පෙනේ. පසුපසින් එන සෆාරි රථය නවත්වාගෙන සිට දර්ශනයට ඉලක්ක සිදුවීමට ඉඩ හසර සලසන ආකාරයත් ඕනෑම ගොබ්බයෙකුට තේරුම් ගත හැකිය. අනතුරුව දඩමට පනින කොටියා සුනඛයා නිසා තුවාල ලබා පලා යන අයුරුත් තුවාල ලැබු සුනඛයාගේ දුක්ඛිත දර්ශනත් ඉතිරි වී තිබේ. වනජීවී දෙපාර්තමේන්තුව අපක්ෂපාතීව පරීක්ෂණයක් කරනවා නම් මේ සිදුවී ඇති තුච්ඡ අපරාධය රටට හෙළිවනු ඇත.
කිසිවෙක් සුනඛයා වනය තුළට ගෙනැවිත් කොටියාගේ ගොදුරක් වන්නට මුදා හැරියා නම් වනජීවි නිලධාරීන්ගේ ඇසින් මිදී එවැන්නක් කළ ආකාරය ගැන විමසිය යුතුය. සෑම සෆාරි රථයකම යන මගපෙන්වන්නන් ගේ භූමිකාව නැවත ප්රශ්න කළ යුතුය. වනජීවී නියෝජ්ය ඇමති ඇන්ටන් ජයකොඩි මාධ්යයට ප්රකාශ දෙනු දුටුවෙමු. පරීක්ෂණයක් පවත්වන බව කියා සපථ වෙනු බලා සිටියෙමු. වනජීවී සංරක්ෂන දෙපාර්තමේන්තුව පවසන්නේ මේ සත්ත්වය වනෝද්යානය තුළට පැමිණි ආකාරය ගැන පරීක්ෂණයක් පවත්වන බවය.
අප කියන්නේ අපට පෙනෙන රටටම තේරෙන අමනුස්සකම් වළ දමන්නට උත්සාහ නොකළ යුතු බව පමණි.
