සමගි ජන බලවේගයේ ජ්යෙෂ්ඨ සමාජිකයෙක් මෙන්ම පක්ෂයේ ආර්ථික විද්යා විශේෂවරයා වන හර්ෂ ද සිල්වා පක්ෂයේ සන්ධානගත වීම පිළිබඳව සාකච්ඡා සඳහා තමන් දායක කරගෙනන නැති බවත් තමන් කරන්නේ දෙන දෙයක් කරගෙන පසුපසට වී බලාගෙන සිටීම බවත් අද මාධ්ය ඉදිරියේ කියා සිටියේය.
ඒ සමගි ජන බලවේගය වෙනුවෙන් අද පැවති මාධ්ය සාකච්ඡාවක් අතර තුර මාධ්ය ඇසූ ප්රශ්නවලට ඔහු මෙසේ පිළිතුරු දුන්නේය.
හර්ෂ – ” පක්ෂ දෙකේ එකතුව සම්බන්ධයෙන් මාව ඒකට පත් කරලා නෑ. ඒ සාකච්ඡාවලට… හොඳේ… කරුණාකරලා ඒ ගැන මගෙන් අහන්න එපා.”
මාධ්යය – ඇයි ඔබතුමා පත් කරලා නැත්තේ
හර්ෂ – ඒක අපි දන්නේ නෑ ඇයි පත් කරලා නැත්තේ කියලා. මාව පත් කරලා නෑ ඒ කමිටුවට. ප්රශ්නයක් නෑ. අපි පිටිපස්සට වෙලා ඉන්නවා. දෙන දේ කරගෙන අපි ඉන්නවා. ඕව ගැන මහලොකුවට කෑකෝ ගහන්න යන්න ඕන නෑ. ඒගොල්ල සාකච්ඡා කරලා මෙහෙමයි කරන්නේ කියලා කිවුවොත් අපි ඒ දේ කරමු.
මේ අතර එක්සත් ජාතික පක්ෂයේ හිටපු ජ්යෙෂ්ඨ සාමාජිකයෙක් වූ රවී කරුණානායක පැවසුවේ සමගි ජන බලවේගය හා එක්සත් ජාතික පක්ෂය අතර සාකච්ඡා පැවැත්වෙන්නේ කීප දෙනෙකුගේ උවමනාවන් ඉටු කිරීමට බවය.
“සිදුවිය යුත්තේ ගරුත්වයෙන් එකතු වීමක් මිසක් බලහත්කාරයෙන් එකතු වීමක් නොවේ. ඕක දෙන්නෙක්ගේ අවශ්යතාව ඉටුකරගන්නයි ඔය සාකච්ඡා කරන්නේ. එක්කෙනෙක් බලන්නේ ලේකම් වෙන්න. අනික් කෙනා බලන්නේ නායකයා වෙන්න.” රවී කරුණානායක කීවේය.
