මූල්යමය වංචා චෝදනාවන් එල්ල වී ඇති සෞඛ්ය අමාත්යංශයේ අධ්යක්ෂවරියක් සෞඛ්ය සේවා නියෝජ්ය අධ්යක්ෂ තනතුරකට පත් කිරිමට ඇයගේ පෞද්ගලික ලිපිගොණුව රහසේ වෙනස් කිරිමට සෞඛ්ය අමාත්යංශයේ නියෝජ්ය සෞඛ්ය අධ්යක්ෂ ජනරාල්වරයෙකු ඇතුළු නිලධාරීන් කිපදෙනෙකු කටයුතු කරමින් පවතින බව සෞඛ්ය අමාත්යංශ අභ්යන්තර ආරංචි මාර්ග සඳහන් කරයි.
විදේශ වෛද්ය පුහුණුවට යන බව දන්වා ලංකාවේ රැඳී සිටිමින් දීමනාවන් ලබා ගැනීම හා මූල්ය වංචාවන් සම්බන්ධ චෝදනාවන්ට ලක් වූ මෙම අධ්යක්ෂවරිය සම්බන්ධයෙන් මේ වන විටත් රාජ්ය සේවා කොමිෂන් සභාව මගින් සහ සෞඛ්ය අමාත්යංශය මගින් පරික්ෂණයන් පවත්වමින් සිටින පසුබිමක ඇයගේ පෞද්ගලික ලිපිගොනුවේ පවතින චෝදනාත්මක ලිපි ඉවත් කර ඒ වෙනුව වෙනත් ලේඛන කිරිමට මෙම නිලධාරින් කටයුතු කරමින් පවතින බවද එම වර්තාවන් පෙන්වාදේ.
ඇයගේ පෞද්ගලික ලිපි ගොනුව හිටි හැටියේ මෙසේ සකස් කිරීමට සෞඛ්ය අමාත්යංශයයේ නියෝජ්ය අධ්යක්ෂ ජනරාල්වරුන් කීපදෙනෙකුම කටයුතු කරනුයේ ඉදිරි දිනයන්වල පැවති සෞඛ්ය සේවා නියෝජ්ය අධ්යක්ෂ තනතුරු සඳහා පවත්වනු ලබන සම්මුඛ පරික්ෂණයට ඇය මුහුණ දීමට සිටින බැවින් යැයිද අභ්යන්තර ආරංචි මාර්ග වැඩි දුරටත් පවසා සිටියි.
දැනට පුරප්පාඩුව පවතින නියෝජ්ය අධ්යක්ෂ ජනරාල් තනතුරු 9ක් සඳහා ඉල්ලුම් කරනු ලබන අධ්යක්ෂවරුන්ට මෙය බලවත් අසාධාරණයක් බවත් එවැනි තනතුරුවලට සුදුස්සන් සිටියදී නුසුදුස්සන්ව පත්කිරිමට අමාත්යංශයේ ඉහළ නිලධාරින් කිසිම බියක් සැකක් නැතිව උත්සාහ කරන්නේ ඇමතිවරයා දැනුම්වතව ද, නැතිනම් ඇමතිවරයා ඕනෑම ගොබ්බයෙකුට ඇන්දවිය හැකි චරිතයක් ද යන්න සම්බන්ධව සැක පහළ වන බවත් එම ආරංචි මාර්ග වැඩිදුරටත් පවසා සිටියි.
