අග්රාමාත්ය රනිල් වික්රමසිංහ සහ විපක්ෂ නායක සජිත් ප්රේමදාස අතර අද පාර්ලිමේන්තුවේදී උණුසුම් වචන හුවමාරුවක් සිදුවිය..
අගමැතිවරයා අද පාර්ලිමේන්තුවේ කතා කරමින් විපක්ෂය සහ විපක්ෂ නායකවරයා දැඩිව විවේචනය කළේය. අගමැතිවරයා කීවේ ඉතිහාසයේ දුර්වලම විපක්ෂය මේ විපක්ෂය බවය. කෑ ගසා බෝඩ් අල්ලා බලය ලබා ගත නොහැකි බවකී හෙතෙම බලය ලබා ගන්නා පාඩම කියා දීමට සජිත් ප්රේමදාසට හැකිනම් මාසයක් පැමිණ ඉගන ගන්නා ලෙසය.
බලය වෙනුවෙන් දඟලන මෙවැනි විපක්ෂයක් දැකීම කණගාටුවට කරුණක් බව කී අගමැතිවරයා එවැනි විපක්ෂයක් රට පාලනය කරන්නේ කෙසේ දැයි විමසුවේය.
“ මම දන්නෙ නැති අයට ඉතිහාසය කියා දෙන්නම්. ප්රේමදාස ජනාධිපතිගේ නියෝජිතයා ලෙස කුවේට් යුද්ධෙ වෙලාවෙදි මැදපෙරදි රටවල් එක්ක ආධාර ගැන කතා කරන්න ගියේ මම. ඒත් එහෙන් මුදල් ලැබුනෙ නෑ. ජපානෙට ගියාම ජපානෙන් මිලියන හයසීයක් ලැබුනා. ඒ සල්ලිවලින් තමයි අපි ක්වේට් යුද්ධෙන් බේරුණේ.“
“මෙහෙම දුර්වල විපක්ෂයක් මම කවදාවත් දැකලා නෑ. කෑ ගහලා බෝඩ් අල්ලගෙන ඉදලා බලය ගන්න බෑ. මම පුරුදු කළා මේ අයට බලය ගන්න. ඒත් ඉගෙනගෙන නෑ මුකුත්. එන්න මාසයක් දෙකක්.. මම ඒක කියලා දෙන්නම් බලය ගන්න විදිහ. මෙතන කෑ ගහලා බලය ගනන් බෑ. ලංකාවෙ තියන දුර්වලම විපක්ෂය තමයි මේ විපක්ෂය. “
අග්රාමාත්යවරයා කී කතාවට විපක්ෂ නායක සජිත් ප්රේමදාස පළිතුරු දුන්නේය.
“අග්රාමාත්යතුමා ඉතිහාසය අමතක කරලා තිබුණා. මගේ පියා රණසිංහ ප්රේමදාස ජනාධිපතිවරයා එතුමා තියාගත්තෙ නාමිකව. එයාට ඉගැන්නුවෙත් මගෙ තාත්තා. අග්රමාත්යවරයා අපට පාඩම් ඉගෙන ගන්න එන්නලු. එයාට උගන්වන්න පුලුවන් ඔක්කොම පාඩම් උගන්වලා තියෙන්නෙ. බිංදුවට පක්ෂය බැස්සුවා. ජාතික ලයිස්තුවට පින්සිද්ධ වෙන්න තනියම ඇවිත් දැන් කියනවා අපිට උගන්වන් එන්නලු.
සුරංගනා කතා කිව්වේ අපි නෙමෙයි. එතුමා වැඩ බැරි අගමැති කනෙක් කියලා දැන් මේ රට විතරක් නෙමෙයි ලෝකයම දන්නවා . පිටරටවලින් අධාර ගන්න පාඩම ලඟදිම මම එතුමට උගන්වන්නම්.
විපක්ෂ නායකවරයා කීවේය.
