කොළඹ ජාතික රෝහලේ ප්රතිකාර ලබමින් සිටි හිටපු පාර්ලිමේන්තු මන්ත්රී දුමින්ද සිල්වා එහි ප්රතිකාර අවසන් කර ජන. 12 වන දා නැවත බන්ධනාගාර රෝහල වෙත මාරු කර එවනු ලැබුවේ බන්ධනාගාර රෝහලේ ප්රධාන වෛද්ය නිලධාරීවරයාගේ නිර්දේශ මත බව බන්ධනාගාර මාධ්ය ප්රකාශක, බන්ධනාගාර කොමසාරිස් ගාමිණී. බී. දිසානායක පවසයි.
සිරකරුගේ ප්රතිකාර අවසන් බැවින් නැවත වැලිකඩට බන්ධනාගාරයේ සාමාන්ය වාට්ටුවකට ඇතුළු කිරීමට ඇති හැකියාව තීරණය කරන්නේ වද්ය නිර්දේශ මත බවත්, සිරකරුට තවදුරටත් වෛද්ය ප්රතිකාර ලබා දිය යුතු බවට බන්ධනාගාර රෝහලේ ප්රධාන වෛද්ය නිලධාරිවරයා සඳහන් කර ඇති බැවින් එම නිර්දේශ අභිබවා කටයුතු කිරීමට බන්ධනාගාර පාලන අධිකාරියට නොහැකි බවත් බන්ධනාගාර මාධ්ය ප්රකාශකවරයා වැඩිදුරටත් දන්වා ඇත.
ඒ අනුව, ඉදිරි ප්රතිකාර සම්බන්ධව ජන.15 දින දැනුම් දෙන බව බන්ධනාගාර රෝහලේ ප්රධාන වෛද්ය නිලධාරිවරයා සඳහන් කර ඇති බව ද බන්ධනාගාර මාධ්ය ප්රකාශකවරයා විසින් ඉදිරිපත් කර ඇති නිවේදනයක දැක්වේ.
භාරත ලක්ෂ්මන් ප්රේමචන්ද්ර ඝාතනයට වරදරකරු වී මරණ දඬුවම හිමිව සිටින දුමින්ද සිල්වා වැලිකඩ බන්ධනාගාර රෝහලින් සමාන්ය වාට්ටුවක් වෙත මාරු කර තිබුණේ ජන. 10 වන දා ය. පැය 24ක් යන්නට පෙර අපස්මාර තත්ත්වයක් ඇති වූ බවත් එම සංකූලතාවය හේතුවෙන් බන්ධනාගාර රෝහලේ වෛද්යවරයාගේ නිර්දේශ මත දුමින්ද සිල්වා ජාතින රෝහල වෙත යොමු කෙරිනි. ඒ පෙරේදා ( 11) අළුයම 2ට පමණය.
දුමින්ද සිල්වා මරණ ඳඬුවමින් නිදහස ලබා එළියට පැමිණ රට පුරා ඇවිදිමින් ගෝඨාභය රාජපක්ෂගේ ආන්ඩුවේ නිවාස ධිකාරියේ සභාපති ධූරයත් දරමින් සැපට හිටියත් ජනාධිපති සමාව ආහෝසි කර නැවත බන්ධනාගාරයට යොමු කළ දින සිටියේ බන්ධනාගාර රෝහලේය.
ශ්රී ජයවර්ධනපුර රෝහලේ විශේෂඥ වෛද්යවරයාගේ නිර්දේශ ඒ සඳහා ඔහුට ලැබී තිබුණු නිසා යළිත් ඔහු අනුව බන්ධනාගාර රෝහලේ ප්රතිකාර කාලය ගත කළේය.
එම ප්රතිකාර තවදුරටත් ලබා දිය යුතු ද යන්න තීරණය කිරීම සඳහා බන්ධනාගාර කොමසාරිස් ජනරාල්වරයා සෞඛ්ය අධ්යක්ෂ ජනරාලවරයාගෙන් ලිඛිතව සිදු කළ විමසීමකට අනුව, විශේෂඥ වෛද්යවරුන් 18 යුත් වෛද්ය කණ්ඩායමක් පත් කර තිබිණි.
එම වෛද්ය කණ්ඩායමේ නිර්දේශ අනුව සිරකරුට තවදුරටත් බන්ධනාගාර රෝහල තුළ හෝ වෙනත් රෝහලක නේවාසිකව ප්රතිකාර ලබා දීම අවශ්ය නොවන බව ය. හදිසි සංකූලතාවක් ඇති වුවහොත් පමණක් නොපමාව ප්රතිකාර ලබා දෙන ලෙස ත් බන්ධනාගාර දෙපාර්තමේන්තුවට එම කමිටුව දැනුම් දුන්නේය.
ඒ අනුව, ඔහු බන්ධනාගාර රෝහලේ සිට වැලිකඩ බන්ධනාගාරයේ සාමාන්ය වාට්ටුවකට ඇතුළත් කළ දුමින්ද සිල්වා පුදුමාකාර ලෙස පැය 24ක් ගතවන්නට මත්තේන් සංකූලතා පෙන්නුවේය. ඒ නිසා ජාතික රෝහලට ඇතුළත් කළේය. ජාතික රෝහලෙන් පිටත් කළ දුමින්දව යළිත් ගෙන එන්නේ බන්ධනාගාර රෝහලටය.
බන්ධගාර රෝහලේ ප්රධාන වෛද්යවරයා නැවත වරක් ඔහුව බන්ධනාගාර රෝහලේ ප්රතිකාර සඳහා යොමු කර තිබේ. ක්ලීන් කළ යුතු ප්රවේශ හැමදාම අපට මේ නිලධාරීන් පෙන්වා දෙමින් තිබීම සතුටට කරුණක් බව කිව යුතුව ඇත.
