මේ වනවිට ප්රංශයේ ජීවත් වෙමින් අනීතික රාජකාරි හැසීරීම සම්බන්ධව කෙරෙන ප්රශ්නකිරීම්වලට චතුරව පිළිතුරු දෙමින් සිටින කොළඹ අපරාධ කොට්ඨාසයේ හිටපු පොලිස් පරික්ෂක දුමින්ද ජයතිලක රටින් පිටවි යන්නේ තමන් වෙත වැටුණු මානව හිමිකම් නඩුවකින් බේරි ජිවත් වීම සඳහා ප්රංශයේ සරණාගතභාවය අපේක්ෂාවෙන් බවට අභ්යන්තර විමර්ශන තොරතුරු වාර්තා කර තිබේ.
මෙම මානව හිමිකම් නඩුව පොලිස් පරික්ෂක දුමින්ද ජයතිලකට සහ උප පොලිස් පරීක්ෂක චතුරංග නැමැති නිලධාරීන්ට එරෙහිව පැවරු නිලූක මධුරංග නම් පුද්ගලයෙකුට එම නඩුව ඉල්ලා අස් කරගන්නා ලෙස බලකරමින් කරන තර්ජනයක් සහ නඩුව පැවරූ පුද්ගලයාට අයි.පී. දුමින්ද ජයතිලක විසින් කතා කරන හඬ පටයක් සහිත තොරතුරු රැසක් නෙත් එෆ්.එම් බැලුම්ගල වැඩසටහනකින් මින් පෙර ද ප්රකාශයට පත් කර තිබිණි.
ප්රංශ සරණාගතභාවය ඉල්ලා සිටින දුමින්ද ජයතිලක වෙනුවෙන් කතා කරමින් නඩුව ඉල්ලා අස් කරගැනීමට තර්ජනය කරන පුද්ගලයා පවසන්නේ තමන් කංජිපානි ඉම්රාන්ගේ ගෝලයෙක් බවත් දුමින්ද ජයතිලකට මෙවැනි නඩුවක් පැවරුවහොත් ඔහුට ඔහු අපේක්ෂා කරන ප්රංශයේ සරණාගත භාවය නැතිවී යා හැකි බවත්ය.
ආදුරුප්පු වීදියේ සිර මැදිරිය තුළ සිටි රැඳවියන් දෙදෙනෙකුට වස පානය කිරීමට සලස්වා මරා දමන්නට උත්සාහ කළ සිද්ධියට අදාලව 2024.01.24 දින දුමින්ද ජයතිලක මෙහෙයවීමෙන් අත් අඩංගුවට ගෙන පොලිස් වාර්තාවල සටහන් නොතබා උසාවියකට ඉදිරිපත් නොකර දින හයක් තිස්සේ බරපතල පහර දීම්වලට ලක් කර වෙනත් නමකින් පහර කෑ පුද්ගලයාව ජාතික රෝහලට ඇතුළත් කිරීම සම්බන්ධව මෙම මානව හිමිකම් නඩුව ගොනු වී තිබිණි.
