පහළ වායුවගෝලීය කැළඹීලි සහගත තත්ත්වය ශ්රී ලංකාව ආසන්නයේ පවතින බැවින් බස්නාහිර, දකුණු, සබරගමුව, මධ්යම සහ ඌව පළාත්වල ඇතැම් ස්ථානවලට මි.මී. 150 ට වැඩි ඉතා තද වැසි ඇතිවිය හැකි බව කාලගුණ විද්යා දෙපාර්තමේන්තුව පවසයි.
අනුව කලුතර, මහනුවර, මාතලේ, රත්නපුර දිස්ත්රික්ක ඇතුළුව දිවයිනේ බොහෝ ප්රදේශවලට මි.මී. 100 පමණ තද වැසි ද ඇතිවිය හැකි බව ඔවුහූ පවසති.
ගොඩනැගිලි පර්යේෂණ ආයතනය විසින් දැනටමත් බුලත්සිංහල, උඩුදුම්බර, අඹන්ගඟ කෝරළේ හා අයගම යන ප්රදේශවලට නායයාම් අනතුරු ඇඟවීම් නිවේදන නිකුත් කර තිබේ.
මේ අතර කළු, කැලණි, නිල්වලා, මහවැලි යන ගංගා මෙන් ම අත්තනගලු ඔය ආශ්රිත පහත් බිම්වල ජල ගැලීම් ඇති විය හැකි බැවින් විමසිලිමත් ව කටයුතු කරන ලෙස වාරිමාර්ග දෙපාර්තමේන්තුව ජනතාවට අවධාරණය කරයි.
මේ වනවිට ඉදිරි දින දෙකට අදාළ වන පරිදි වාරිමාර්ග දෙපාර්තමේන්තුව විසින් පූර්ව ගංවතුර අනතුරු ඇඟවීමේ නිවේදනයක් නිකුත්කරනු ලැබ තිබේ.
ඊයේ රාත්රියේ සිට එම නිවේදනය ක්රියාත්මක විය. ඒ අනුව අත්තනගලු, කළු, කැළණි, ගිං, නිල්වලා සහ මහවැලි ද්රෝණිවලින් එකක හෝ කිහිපයක ගංවතුර තත්ත්වයක් ඇතිවිය හැකි බව එම නිවේදනයේ දක්වා තිබේ. එහි පදිංචි ජනතාව අවදානයෙන් සිටින ලෙස
එම දෙපාර්තමේන්තුව ඉල්ලා සිටී. එසේ ම, ගංගා ද්රෝණි ඉහළ ප්රදේශවලදී ගංගා සහ අතු ගංගා භාවිතයේදී (ඔරු පැදීම්, දිය නෑම, ගංගා හරහා ගමන් කිරීම) සැළකිලිමත් වන ලෙස ද එම දෙපාර්තමේන්තුව ජනතාවගෙන් ඉල්ලා ඇත.
