මනම්පිටිය නිමල් ජයරත්න –
සමාජයේ බොහෝ තරුණයන් මත්ද්රව්යවලට ඇබ්බැහි වී ජීවිත අකාලයේ විනාශ කරගන්නා වකවානුවක දිඹුලාගල දිවුල්දමන විනිවිද එක්සත් තරුණ සංගමය මගින් මත්ද්රව්ය භාවිතයෙන් සිදුවන හානිය සහ ඉන් ශරීරකව සිදුවන බලපෑම මෙන්ම සමාජ ව්යසනය පිළිබඳ පාසල් සිසුන් සහ දෙමාපියන්, තරුණ තරුණියන්, දැනුම්වත් කිරීමේ වැඩසටහනක් අද (11) මාදුරුඔය මහා විද්යාලයේ දී සංවිධානය කර තිබිණි.
අතීතයේ අණ බෙර හරහා, ජනතාව දැනුවත් කළාක් මෙන්, දිවුල්දමන ගම්වාසීන් නිර්මාණාත්මකව දැනුම්වත්කර මාදුරුඔය මහා විද්යාලයට කැඳවමින්, විශේෂ මත්ද්රව්ය නිවාරණ වැඩපිළිවෙළ ක්රියාත්මක කිරීම මෙහි විශේෂත්වය විය.
පොළොන්නරුව ප්රජා පොලිස් ඒකකයේ නිලධාරි ඊ.ඩබ්ලිව්.එම්. සඳුන් ප්රසන්න ඒකනායක විසින් මෙහිදී මත්ද්රව්ය වලින් සිදුවන ජීවිත විනාශය සහ සමාජ හානිය පිළිබඳ පාසල් සිසුන් සහ දෙමාපියන් වෙත විශේෂ දේශනයක් කළේය.
විනිවිද එක්සත් තරුණ සංගමයේ සභාපති, ඒ.කේ.ජී.නන්දන කුමාර ගේ මූලිකත්වයෙන් එම සංගමය මෙම වැඩසටහන සංවිධානය කර තිබිණි.
මෙම අවස්ථාවට මාදුරුඔය මහ විද්යාලයේ විදුහල්පති, වයි,බී,කුමාරසිංහ, ග්රාම නිලධාරී එස්.පී.මල්ලිකා ඇතුළු ගුරුවරුන්, දෙමාපියන්,ගම්මානෙයේ තරුණයන් ඇතුළු පාසල් සිසුන් විශාල පිරිසක් එක්ව සිටියහ.
