දිනසේන රතුගමගේ –
ප්‍රදේශයේ ආරක්ෂාවට හා සාමයට බාධාවක් වී තිබෙන තිලීපන් සමරු උළෙල තහනම් කරණ ලෙස පොලීසිය විසින් මුලතිව් අධිකරණයෙන් කරණ ලද ඉල්ලීම මුලතිව් මහේස්ත්‍රාත්වරයා විසින් ඊයේ (19 ) ප්‍රතික්ෂේප කළේය.
මුලතිව් පොලීසිය සඳහන් කොට තිබුණේ එම උත්සවවලට විරෝධී පිරිස් උත්සවවලට සහභාගී වන පිරිසට ප්‍රහාර එල්ල කිරීමට පටන් ගැනීම නිසා මේ තත්ත්වය පාලනය කිරීමට ප්‍රමාණවත් පොලිස් බල ඇණි මුලතිව් ප්‍රදේශයේ නොමැති බවය. ඒ හේතුවෙන් මෙම උත්සව තහනම් කරණ ලෙස පොලිසිය අධිකරණයෙන් ඉල්ලා සිටියේය.
නමුත් පොලීසියේ එම ඉල්ලීම මුලතිව් මහේස්ත්‍රාත් අධිකරණයේ විනිසුරු ආර්.සරවනරාජා විසින් ප්‍රතික්ෂේප කොට තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මුලතිව් ඔට්ටිසුඩාන් ප්‍රදේශයේ එවැනි උත්සව තහනම් කරන ලෙස ඔට්ටිසුඩාන් පොලීසිය විසින් කරන ලද ඉල්ලීම මුලතිව් මහේස්ත්‍රාත් ධර්මලින්ගම් ප්‍රදීපන් විසින් ද ප්‍රතික්ෂේප කොට තිබේ.
