නිල ඡන්ද පත්රිකා බෙදීමේ රාජකාරිය තමන්ගේ හිතවත් ඡන්ද අපේක්ෂිකාවකට පවරා ඇය වෙත එම පත්රිකා භාර දී ගෙදර ගිය බව කියන තැපැල්කරුවෙක් අද (24) පුත්තලම පොලිසිය විසින් අත් අඩංගුවට ගෙන තිබේ.
එම ඡන්ද පත්රිකා ලඟ තබාගෙන සිටි පුත්තලම ප්රාදේශීය සභාවේ සර්ව ජන බල පක්ෂයේ අපේක්ෂිකාවක ඊයේ රාත්රියේ අත් අඩංගුවට ගෙන තිබුණු අතර ඇය සතුව තිබූ නිල ඡන්ද පත්රිකා 86ක් සොයා ගැනීමට පුත්තල පොලිසිය සමත් වී ඇත.
වාර්තාවන පරිදි සිදධිය මෙසේය. නිල ඡන්ද පත්රිකා ප්රමාණයක් සන්තකයේ තබාගෙන සිටින පුත්තල ප්රාදේශීය සභාවේ සර්ව ජන බල පක්ෂ අපේක්ෂිකාවක ගැන තොරතුරක් පුත්තලම පොලිසිය ලැබී තිබිණි. පොලිසිය ගොස් ඇයගේ නිවස පරීක්ෂා කරනවිට නිල ඡන්ද පත්රිකා 86ක් ඇය සන්තකයේ තිබී සොයා ගැනීමට පොලිසියට හැකි විය.
මෙම ඡන්ද පත්රිකා ඇයට ලැබුණේ කෙසේදැයි ප්රශ්නකරන විට ඇය පවසා තිබුණේ මේ ඡන්ද පත්රිකා ගෙන් ගෙට ගොස් බෙදීම සඳහා තමන් තැපැල් කරුවාගෙන් ඉල්ලා ගත් බවය. මේ සම්බන්ධයෙන් අද උදෑසන තැපැල්කරු අත් අඩංගුවට ගෙන ප්රශ්න කිරීමේ දී තමන් දන්නා හඳුනන සහ විශ්වාසවන්ත මේ තැනැත්තියට නිල ඡන්ද පත්රිකා කොටසක් ලබා දුන්නේ එම ඡන්ද පත්රිකා සුරැකිව අදාල පුද්ගලයින්ට බෙදා දීමේ පොරොන්දුව මත බව තැපැල්කරු පවසා තිබේ.
සිය රාජකාරිය බරතපල ලෙස පැහැර හැරීම සම්බන්ධව තැපැල්කරුත්, නීති විරෝධී ලෙස අන් පුද්ගලයින්ගේ නිල ඡන්ද පත්රිකා සන්තකයේ තබාගෙන ස්වකීය මැතිවරණ ව්යාපාරය කරන්නට උත්සාහ කළ මෙම ප්රාදේශීය සභා අපේක්ෂිකාවත් අධිකරණයට ඉදිරිපත් කිරීමට නියමිතය.
