පළාත් පාලන මැතිවරණය කල් දමා ඇතත් පළාත් පාලන මැතිවරණ නීතිය මේ වනවිටත් බලාත්මක බැවින් නීති විරෝධීව ලබා දී ඇති පත්වීම් වහා අවලංගු කරන්නැයි මැතිවරණ කොමිසම සියලු පළාත් ආණ්ඩුකාරවරුන්ට ලිඛිතව දැනුම් දී තිබේ.
එම නීතිය බලපවත්වන කාලය තුළ කිසිදු දේශපාලන පක්ෂයක් , අපේක්ෂකයින් මෙන්ම කණ්ඩායමක් ප්රවර්ධනය නොවන සේ කටයුතු කළ යුතු වුවද ඇතැම් පළාත් ආණ්ඩුකාරවරුන් විසින් එම නීතිය උල්ලංඝනය කර ඇති බව මැතිවරණ කොමිසම පෙන්වා දෙයි.
කොමිසම කියන්නේ පලාත් පාලන ආයතනවල සංවර්ධන කටයුතු අධීක්ෂණයට හිටපු පළාත් පාලන නියෝජිතයින් සහ පළාත් පාලන මැතිවරණයට නාමයෝජනා භාර දී ඇති අපේක්ෂකයින් තෝරාගෙන ඔවුන්ට පත්වීම ප්රදානය කර ඇතැයි මැතිවරණ නිරීක්ෂකයින් පැමිණිලි ඉදිරිපත් කර ඇති බවය.
එසේ දී ඇති පත්වීම් අවලංගු කරන ලෙසත් ලබාදීමට සූදානම් කර ඇති පත්වීම් පිරි නැමීමෙන් වළකින ලෙසත් පළාත් ආණ්ඩුකාරවරන්ට දැනුම් දුන් බව මැතිවරණ කොමිසම ප්රකාශ කළේ ය.
මේ සම්බන්ධයෙන් ජනාධිපති ලේකම්වරයාටද ලිඛිතව දැනුම් දුන් බව මැතිවරණ කොමිසම ප්රකාශ කළේ ය.
මේ අතර, පළාත් පාලන ආයතනවල රාජ්ය සම්පත් අවභාවිතය වහාම නතර කරන්නැයි පළාත් ප්රධාන ලේකම්වරුන්ට හා පළාත් පාලන කොමසාරිස්වරුන්ට ලිඛිතව දැනුම් දුන් බවද මැතිවරණ කොමිසම පැවසුවේ ය. ( නිව්ස් ෆස්ට්)
