ජාත්යන්තර මූල්ය අරමුදල අර්බුදයට පත් ශ්රී ලංකාවේ ඉදිරි මාස 48ක අවශ්යතා සඳහා ඩොලර් බිලියන 2.9ක් වටිනා මූල්ය පහසුකමක් පිරිනැමීම පිළිබඳ කාර්ය මණ්ඩල මට්ටමේ එකඟතාවයකට පැමිණි බව එම අරමුදල අද නිවේදනය කළේය.
ශ්රී ලංකාවේ ආර්ථිකය ස්ථාවරකරණයට ලක් කිරීමත්, ඉදිරියේදී ආර්ථිකය වර්ධනය කිරීමට අවශ්ය පසුබිම නිර්මාණය කිරීමට අමතරව වංචා හා දූෂණවලට එරෙහිව විනිවිද පෙනෙන සුළු මූල්ය කළමණාකරණයක් සහතික කිරීම ඇතුළු ප්රතිසංස්කරණයන්වලට ද මෙම විස්තීරණ මූල්ය පහසුකම උපකාර කරනු ඇති බව එම අරමුදල තවදුරටත් සඳහන් කරයි.
ජාත්යන්තර මූල්ය අරමුදලේ නියෝජිත කණ්ඩායමක් මේ වන විට දිවයිනට පැමිණ සිටින අතර, ඔවුන් ශ්රී ලංකාවේ අදාළ බලධාරීන් සමඟ සාකච්ඡා හා ක්රියාකාරකම්වලින් අනතුරුව මෙම නිවේදනය අද නිකුත් කළේය.
එහිදී ජාත්යන්තර මූල්ය අරමුදල තවදුරටත් සඳහන් කරන්නේ මෙම කාර්ය මණ්ඩල එකඟතාව මත ඉදිරි කටයුතු සිදුකිරීම සඳහා අරමුදලේ විධායක මණ්ඩලයේ අනුමැතිය හිමි විය යුතු බවයි.
ජාත්යන්තර මූල්ය අරමුදලේ නියෝජිතයින් සහභාගී වන විශේෂ මාධ්ය හමුව
