මරණයට පෙර තමන් විසින් සැදූ සොහොනේ සෙනසුරාදා පාලිත තෙවරප්පේරුම අවසන් ගමන් යන්නේය.
ඔහුගේ පැවැත්ම සම්බන්ධව ඇතැම් විවේචන ද පැවතිනි. එහෙත් අප සිතන්නේ ජීවත්ව සිටිනා බොහෝ දේශපාලකයින් පාලිත තෙවරප්පෙරුමගේ පොදු ජීවිත රිද්මය දෙස බැලිය යුතු බවය. ඔහු මිය ගිය බව ඇසූ අවස්ථාවේ සිට හඬා වැලපෙමින් නාගොඩ රෝහලට එක් වූ මිනිස්සු කුලියට ගෙන්වූයේ නැත. ඒ බහුතරය අහිංසක අව්යාජ මිනිස්සු බව දුටුවෙමු.
පාලිතට එරෙහිව ගිය එක මඩ කමෙන්ටුවක්වත් එෆ්බී පිටුවල පල වී තිබෙනු දුටුවේ නැත. අප දැක්කේ හදවතින්ම ශෝකවන මිනිස්සුය.
2002 වසරේදී මතුගම ප්රාදේශීය සභාවේ සභාපතිවරයා වූ පාලිත තෙවරප්පෙරුම බස්නාහිර පළාත් සභාවේ සභිකයෙකු ලෙසද කටයුතු කළේය.
2010 වසරේ සිට 2020 වසර දක්වා කළුතර දිස්ත්රික්කය නියෝජනය කරමින් පාර්ලිමේන්තු මන්ත්රීවරයෙකු ලෙස කටයුතු කළ ඔහු ස්වදේශ කටයුතු, වයඹ සංවර්ධන සහ සංස්කෘතික කටයුතු නියෝජ්ය අමාත්යවරයා ලෙසත් වනජීවි නියෝජ්ය අමාත්යවරයා ලෙසත් ක්රියා කළේය.
2020 මහ මැතිවරණයේ දී සජිත් ප්රේමදාස එක්සත් ජාතික පක්ෂය බිඳගෙන සමගි ජන බලවේගය ගොඩනැගීමත්, රාජපක්ෂ රැල්ලට හසුවීමත් සමග සොදා පාලුවට ලක් වී ගිය එක්සත් ජාතික පක්ෂය හැර නොගොස් පාලිත තෙවරප්පෙරුම පක්ෂයේ රැඳුනේය. රනිල් වික්රමසිංහටත් ආසනයක් නැතිව ගිය එක්සත් ජාතික පක්ෂයෙන් චන්දය ඉල්ලූ පාලිත කළුතර දිස්ත්රික්කයෙන් සේදී ගියේය.
එහෙත් ඔහු මිනිස්සු අතර ජීවත් වෙමින් සිටියේය. දේශපාලකයෙකුට මිනිසුන් පෙන්වන ආදරය පාලිත තෙවරප්පෙරුම පෙන්වා දුන්නේ ජීවත්ව සිටින දේශපාලකයින්ට ජීවත් විය යුතු ආකාරය කියා දෙමිනි. The Life Traveler විසින් සකස් කළ ඔවුන්ගේ යූ ටියුබ් චැනලයේ පළ කළ මේ වීඩියෝව බලන්න… ඔබට යමක් දැනේවි…
