නතාෂා නෙත්මිණි –
කොළඹ ජාතික රෝහලේ පීසීආර් පරික්ෂණයන් නිසි පරිදි නොකිරීම හේතුවෙන් රෝගීන් මෙන්ම රෝහල් කාර්ය මණ්ඩලය දැඩි අපහසුතාවක් පත් වී ඇතැයි සමස්ත ලංකා හෙද සංගමයේ ප්රධාන ලේකම් එස්.මැදිවත්ත සඳහන් කරයි.
පීසීආර් පරික්ෂණයන් සිදුකිරීම සඳහා අවශ්ය රසායනාගාර සේවයින් නිසිලෙස රාජකාරියේ යෙදවීමට හා යන්ත්රයේ පරික්ෂණ කටයුතු සඳහා අවශ්ය රසායනිකයන් ලබා නොගැනීම හේතුවෙන් පීසීආර් පරික්ෂණ නිසිපරිදි කර ගැනීමට නොහැකි වි ඇතැයි හෙතෙම පෙන්වාදේ.
කෙසේ නමුත් මෙම යන්ත්රය මගින් පීසීආර් පරික්ෂණයන් 200ක් කර ගැනීමේ ධාරිතාව තිබෙන බැවින් මෙය කොරෝනා රෝගීන්ව කඩිනමින් හඳුනා ගැනීමට ඇති එකම පහසුකම අඩාල වීම බරපතල තත්ත්වයක් බවද පැවසේ.
ජාතික රෝහලේ බාහිර රෝගී අංශය වෙත පැමිණෙන සහ නේවාසිකව ප්රතිකාර ලබන රෝගීන් නිවෙස් වෙත යාමට පෙර හා සැත්කම්වලට ලක්කිරීමට සිටින රෝගීන්ගේ පීසීආර් පරික්ෂණයන් සිදුකළ යුතු බැවින් මෙම පරික්ෂණයන් අඩක් මේ වන විට කොළඹ වෛද්ය පර්යේෂණා ආයතනය විසින් සිදු කෙරේ.
යම් රෝගියෙකුට කොරෝනා වෛරසය ශරීරගත වී තීබේද නැද්ද යනුවෙන් දැනගත හැකි වන්නේ අදාල වාර්තාව ලැබීමෙන් පසුව බැවින් වාර්තාව ප්රමාද වී ලැබීමෙන් රෝහල් කාර්ය මණ්ඩලය මෙන්ම අනෙකුත් රෝගීන්ගේ ද ජීවිත දැඩි අවදානමකට ලක්වන බව ඔහු පෙන්වාදේ.
