රජයේ වෛද්ය නිලධාරීන්ගේ සංගමයේ සහ විශේෂ වෛද්යවරුන්ගේ සංගමයේ විරෝධතා නොතකා වාර්ෂික ස්ථාන මාරුවීම් පටිපාටිය උල්ලංඝණය කරමින් සදාචාර විරෝධි ලෙස ජයවර්ධනපුර රෝහලේ සභාපතිවරයාව කාසල් කාන්තා රෝහලේ ප්රසව හා නාරිවේද විශේෂඥවරයකෙු ලෙස පත්කිරිම හේතුවෙන් ජයවර්ධනපුර රෝහලේ රාජකාරි අවුල්ගොඩක් බවට පත්ව ඇති බව රෝහල් ආරංචි මාර්ග සඳහන් කරයි.
උදෑසන 8.00 සිට සවස 4.00 දක්වා කාලය තුල කාසල් කාන්තා රෝහලේ රාජකාරි කිරිම හේතුවෙන් සභාපතිවරයාට ජයවර්ධනපුර රෝහල වෙත සිය රාජකාරි කටයුතු සඳහා යාමට සිදුවනුයේ සවස 4.00න් පසු බැවින් එම රෝහලේ කටයුතු දැඩි අර්බුදයකට පත්ව ඇති බව වාර්තාවේ.
සභාපතිවරයාව රාජකාරි කටයුතු සඳහා මුණගැසිමට පැමිණෙන පුද්ගලයින්ට සවස 4න් පසුව පැමිණීමට සිදුව ඇති බවද ආරංචි මාර්ග පවසා සිටියි.
මේ හේතුවෙන් රාජකාරි කර ගැනීමට පැමිණෙන බොහෝ පුද්ගලයින්ට දැඩි අපහසුතාවන්ට මුහුණපෑමට සිදුව ඇති බවද අනාවරණ්ය වී තිබේ.
අංගොඩ රෝහලේ අධ්යක්ෂවරයා නියෝජ්ය අධ්යක්ෂවරයා ලෙස සභාපතිවරයාගේ වැඩ බැලිමට දිවා කාලයේදී රෝහල වෙත පැමිණෙන නමුත් එය ඉතා අසාර්ථක ක්රියාවලියක් බව වාර්තාවේ.
මෙම වෛද්යවරයාට ඇල්පිටිය රෝහලේ සිට ජයවර්ධනපුර රෝහල වෙත යාමට හෝ කාසල් රෝහල වෙත යාමට හෝ රාජ්ය සේවා කොමිසමෙන් අනුමැතිය ලබා දී නොමැති බවද වාර්තාවේ.
රාජ්ය සේවා කොමිෂන් සභාව මේ සම්බන්ධයෙන් සෞඛ්ය අමාත්යංශයෙන් පසුගිය දිනවලදී විමසා තිබු නමුත් ඒ පිලිබඳව පැහැදිලි සවිස්තරාත්මක විස්තරයක් නොමැති බවද මාධ්ය මගින් හෙලිකර තිබුණි.
කාසල් කාන්තා රෝහල වෙත මොහු අනුයුක්ත කරන ලද්දේ පෞද්ගලික වෛද්ය සේවයේ යෙදීමට ඉඩප්රස්තාව ලබා දීම සඳහා වුවද එම කාර්ය හෝ සිදුකර ගැනීමට නොහැකි වී ඇතැයිද පැවසේ.
