නීති විරෝධීව එකලස්කළ ලෑන්ඩ් කෲසර් වර්ගයේ සුඛොපභෝගී ජිප් රථයක් සමගි ජන බලවේග පාර්ලිමේන්තු මන්ත්රී ජගත් විතානගේ පුත් රසික විතානට අලෙවි කළ බවට චෝදනා ලද හිටපු වරාය ඇමති රෝහිත අබේගුණවර්ධනගේ දියණියවන රොෂෙල් මෙලනි අබේගුණවර්ධනට සහ ඇයගේ සැමියාට එරෙහිව මතුගම උසාවියෙන් විදෙස් ගමන් තහනමක් ලබා ගැනීමට වළාන දූෂණ මර්ධන ප්රහාරක ඒකකය අද (21) කටයුතු කළේය.
මේ වනවිට රොෂෙල් මෙලනි අබේගුණවර්ධන කළුතර නාගොඩ පිහිටි නිවස අත්හැර සැමියා සමග සැඟවී සිටින බවද ඇය සැමියා සමග විදේශගතවීමට උත්සාහ කරන බවට ලද තොරතුරක් මත වළාන දූෂණ මර්ධන ප්රහාරක ඒකකය මෙම විදෙස් ගමන් තහනම ලබා ගැනීමට කටයුතු කළ බව ද විමර්ශන ආරංචිමාර්ග පවසයි.
වැඩ බලන පොලිස්පතිවරයාට ලද තොරතුරක් මත පානදුර වලාන දූෂණ මර්ධන ප්රහාරක ඒකකය විසින් මාස හතරක් පුරා සිදුකළ දීර්ඝ විමර්ශනයකට පසුව උක්ත ලෑන්ඩ් කෲෂර් වර්ගයේ ජිප් රථය රථය මතුගම ප්රදේශයේ දී ඊයේ පසුගිය සෙනසුරාදා (19) අත් අඩංගුවට ගත්තේය. ඒ රථයේ හිමිකාරිත්වය ප්රකාශ කළ සමගි ජන බලවේග පාර්ලිමේන්තු මන්ත්රී ජගත් විතාන ගේ පුත් රසික විතානත් සමගය.
එම රථය නීති විරෝධීව එකලස් කර, ව්යාජ දත්ත ඇතුළත්කොට මෝටර් රථ ලියාපදිංචි කිරීමේ දෙපාර්තමේන්තුවේ ලියාපදිංචි කිරීමෙන් පසු ජගත් විතාන ට අයත් පෞද්ගලික සමාගමක නමින් දෙවන වරට රථය ලියාපදිංචි කර ඔහුගේ ප්රත්රයා භාවිත කර ඇති බව විමර්ශනවලදී අනාවරණය විය.
පොලිස් ප්රශ්නකිරීම්වලදී රසික විතාන ප්රකාශ කර තිබුණේ මෙම රථය රෝහිත අබේගුණවර්ධනගේ දියණිය වූ රොෂෙල් මෙලනි අබේගුණවර්ධනගෙන් ඔහු මිලදී ගත් බවය.
ඉන් අනතුරුව ප්රකාශයක් ලබා ගැනීම සඳහා මතුගම පොලිසිය රොෂෙල් මෙලනි අබේගුණවර්ධනගේ නිවසට ගිය ද ඇයත් ඇයගේ සැමියාත් සැඟවී පලා ගොස් තිබිණි. ඔවුන් සොයා මේ වනවිට විමර්ශන ක්රියාත්මකය.
මේ වනවිට රසික විතාන ඉන්නේ රක්ෂිත බන්ධනාගාරගතවය. ඔහුව ලබන 01 වැනිදා දක්වා රක්ෂිත බන්ධනාගාරගත කිරීමට මතුගම ප්රධාන මහේස්ත්රාත්වරිය වූ ඒ.අයි.හෙට්ටිවත්ත නියෝග කළාය.
