2023 වසරේ අයැවැයෙන් වෙන් කරන ලද මුදල් රඳවා ගැනීම ට එරෙහිව පසුගිය 2023 මාර්තු 03 වැනි දින ශ්‍රේෂ්ඨාධිකරණය විසින් නිකුත් කරන ලද අතුරු නියෝගයෙන් සම්බන්ධයෙන් මේ වනවිට පාර්ලිමේන්තුවට යොමුව ඇති වරප්‍රසාද ගැටලුවට අදාළව පාර්ලිමේන්තුවේ කටයුතු අවසන් වන තෙක් , ශ්‍රේෂ්ඨාධිකරණය ලබා දුන් අතුරු නියෝගය අනුව කටයුතු කිරීම බරපතළ වරදක් බව පැවසූ මුදල් රාජ්‍ය අමාත්‍ය ෂෙහාන් සේමසිංහ එම නියෝගය අනුව ක්‍රියා නොකරන ලෙස සියලුම රාජ්‍ය ආයතනවලට නියෝග කරන ලෙස අද (10) පාර්ලිමේන්තුවේදී නියෝජ්‍ය කථානායකවරයාගෙන් ඉල්ලා සිටියේය.
වරප්‍රසාද ප්‍රශ්නයක් මතු කරමින් රාජ්‍ය අමාත්‍යවරයා තවදුරටත් සඳහන් කළේ පාර්ලිමේන්තු මන්ත්‍රී ප්‍රේමනාත් සී දොලවත්ත මතුකළ වරප්‍රසාද ගැටලුව සම්බන්ධයෙන් පාර්ලිමේන්තු ආචාර ධර්ම සහ වරප්‍රසාද පිළිබඳ කාරක සභාවේ සාක්ෂි විමසීම අවසන් වන තුරු පළාත් පාලන මැතිවරණයට අදාළ අතුරු නියෝගය සම්බන්ධයෙන් වැඩිදුර කටයුතු හෝ ක්‍රියාමාර්ග නොගන්නා ලෙස අදාළ බලධාරීන්ට උපදෙස් දෙන ලෙස ඔහු නියෝජ්‍ය කථානායකවරයාගෙන් ඉල්ලා සිටින බවයි
