බ්රිතාන්යයේ හිටපු හමුදා නියමුවන්ගේ විශේෂඥ දැනුම විශාල මුදලක් ලබාදී චීන හමුදාවට ලබා ගැනීමට පියවරගන්නා බවට අනාවරණය වේ. ඒ අනුව මේවන එක්සත් රාජධානියේ හිටපු හමුදා නියමුවන් 30 දෙනෙකු චීනයේ මහජන විමුක්ති හමුදාවේ සාමාජිකයින් පුහුණු කිරීමට ගොස් ඇතැයි සැලකෙන බවද බ්රිතාන්ය මාධ්ය සඳහන් කරයි.
මම තත්ත්වය හමුවේ චීන හමුදාවට සේවය කිරීමට එරෙහිව හිටපු හමුදා නියමුවන්ට අනතුරු ඇඟවීමට එක්සත් රාජධානිය බුද්ධි අංශ පියවරගෙන ඇතැයි වාර්තාවේ.
කෙසේවෙතත් හිටපු ගුවන් නියමුවන් චීනය විසින් සිය පුහුණු කීරීම් වලට යොදා ගැනීම් අඛණ්ඩව සිදුවෙමින් පවතින අතර මෑතදී එය වේගවත් වී ඇති බවද බ්රිතාන්ය බලධාරීහු පවසති.
ඒ අනුව බ්රිතාන්ය ආරක්ෂක අමාත්යාංශයේ ප්රකාශකයෙකු පැවසුවේ චීන ගුවන් නියමුවන් පුහුණු කිරීම සහ බඳවා ගැනීම එක්සත් රාජධානියේ පවතින කිසිදු නීතියක් කඩ නොකරන නමුත් එක්සත් රාජධානියේ සහ අනෙකුත් රටවල නිලධාරීන් මෙම ක්රියාකාරකම් වළක්වා ගැනීමට උත්සාහ කරන බවයි.
ග
මෙහිදී චීනය විසින් බ්රිතාන්ය ගුවන් නියමුවන්ටද විශාල මුදලක් ගෙවීම් කරන බවට අනාවරණ්ය වන අතර එහිදී ඇතැමුන්ට ස්ර්ලින් පවුම් දෙලක්ෂ හතලිස් දහසකට අසාන්න මුදලක් ඒ සඳහා ගෙවා ඇති බවක වාර්තාව්.
ඒ අනුව මෙම විශ්රාමික බ්රිතාන්ය ගුවන් නියමුවන්ව බටහිර ගුවන් යානා සහ ගුවන් නියමුවන් ක්රියාත්මක වන ආකාරයත්, තායිවානය වැනි ඕනෑම ගැටුමකදී වැදගත් වන තොරතුරු තේරුම් ගැනීමට උපකාර කිරීමට යොදා ගැනීම සිදුවේ.
2019 දී හිටපු හමුදා නියමුවන් බඳවා ගත් අවස්ථා කුඩා සංඛ්යාවක් ගැන එක්සත් රාජධානිය ප්රථමයෙන් අනාවරණය කර ගැනීමට සමත්වූ අතර එම සිදුවීම සොයා බැලීමට බ්රිතාන්ය විසින් කටයුතු කරන ලදී.
කෙසේවෙතත් කොවිඩ්-19 වසංගතය උත්සන්න වීමත් සමඟ චිනය විසින් බ්රිතාන්ය ගුවන් නියමුවන් යොදා ගැනීම තරමක් මන්දගාමී විය. නුමත් මේ වන විට සංචරණ සීමා අවම වීමත් සමඟ සීඝ්රයෙන බ්රිතාන්ය හිටපු ගුවන් නියමුවන් පුහුණ කටයුතු යොදා ගැනීම සිදුවන බවට අනාවරනය වී ඇත.
මෙම නියමුවන්ට වේගවත් ජෙට් සහ හෙලිකොප්ටර් පිළිබඳ අත්දැකීම් ඇති අතර රාජකීය ගුවන් හමුදාව පමණක් නොව යුරොපයේ අනෙකුත් රටවල් භාවිතා කරන ටයිෆුන්, ජගුවර්, හැරියර් සහ ටොනාඩෝ වැනි යානාද පියාසර කර ඇත්දැකීම් ඇත පිරිස් වීම විශේෂත්වයකි.
කෙසේවෙතත් මෙම චීනයේ පුහුණවීම සඳහා බ්රිතාන්යයේ මෙන්ම ඇමරිකා එක්සත් ජනපදයේදී නවීනතම ප්රහාරක යානාව වන එෆ් 35 ගුවන්යානා පියාසර කළ ගුවන් නියමුවන් මීට සම්බන්ධ වී නොමැති බවට විශ්වාස කරන බවටද බ්රිතාන්ය ආරක්ෂක ප්රධානීන් සඳහන් කරයි.
එහෙත් චීනය විසින් මෙම එෆ් 35 වර්ගයේ යානා සම්බන්ධයෙන් දැණුම ලබා ගැනීමට විශාල වශයෙන් උත්සුක වන බවද බ්රිතාන්ය බලධාරීන් සඳහන් කරයි.
