ඉන්දියාව විසින් මෑතකදී දියත් කරන ලද රොකට් යානය පිළිබඳ සාකච්ඡාවලදී මිනිසුන් බොහෝ විට එය තම සහෝදරයා යවන ලද රොකට්ටුව සමඟ සම්බන්ධ කරන බවත් තම සහෝදරයා යැවූ රොකට්ටුව පුද්ගලික අංශයේ ව්යාපෘතියක් මිස රාජ්ය ව්යාපෘතියක් නොවන බවත් පොදුජන පෙරමුණු මන්ත්රී නාමල් රාජපක්ෂ පවසයි.
ශ්රී ලංකා පොදුජන පෙරමුණ සංවිධානය කළ සම්මන්ත්රණයක් අමතමින් ඔහු කියා සිටියේ පාර්ලිමේන්තුවේදීත් තමන්ගෙන් මෙම රොකට් ව්යාපෘතිය ගැන විමසූ බවයි.
“ මගේ සහෝදරයා රොකට් එක යවා තිබුණේ පෞද්ගලික අංශයේ ව්යාපෘතියක් ලෙසයි. ඒ සම්බන්ධව රජයේ ආයෝජනයක් තිබෙනවා නම් එය කෝප් කමිටුවට ඉදිරිපත් කළ යුතුයි.”
“ පුද්ගලික ව්යාපාරිකයෙක් කරන ආයෝජනයක් ගැන අපිට ප්රශ්න කරන්න බැහැ. විපක්ෂ නායක සජිත් ප්රේමදාස ට එම ආයෝජනය ගැන විමසීමට අවශ්ය නම් එය ඔහුට භාරයි. එය ඔහුගේ දැක්මයි.”
“එයාට පුළුවන් මේ සිද්ධිය ගැන පරීක්ෂණ කරලා කෝප් කමිටුවට ඉදිරිපත් කරන්න රජයේ ආයෝජන තියෙනවා නම්.” නාමල් රාජපක්ෂ කීවේය.
