ඊයේ (21) රාත්රී 11.45ට පමණ දෙවුන්දර ශ්රී විෂ්ණු දේවාලයේ දකුණු වාහල්කඩ ඉදිරිපස සිංහාසන මාර්ගයේ දී තරුණයින් දෙදෙනෙක් වෙඩි තබා ඝාතනය කර තිබේ. .
පොලීසිය සඳහන් කළේ යහළුවෙකුගේ උපන්දින සාදයකට පැමිණ දෙවිනුවර කපුගම්පුර ප්රදේශයේ සිට නැවත සිය නිවෙස වෙත යතුරුපැදියකින් පැමිණෙමින් සිටියදී තරුණයින් දෙදෙනා ලුහුබැඳ පැමිණි ඝාතකයින් යතුරුපැදිය වෑන් රථයේ හප්පා ඇති බවය.
අනතුරුව ඇද වැටුන පැදි කරුවන්ට වෑන් රථයේ පැමිණි ඝාතකයින් කණ්ඩායම ටී-56 ගිනි අවියකින් හා මිලිමීටර් 9 වර්ගයේ ගිනිඅවි දෙකකින් වෙඩි තබා එතැනම මරා දමා ඇ.ති ආකාරය මූලික විමර්ශනවලින් හෙළි වී තිබේ.
මෙම වෙඩි තැබීමෙන් ජීවිතක්ෂයට පත්ව ඇත්තේ දෙවිනුවර සිංහාසන පාරේ පදිංචිව සිටි 28 හා 29 වියේ පසු වූ තරුණයන් දෙදෙනෙකි.
වෙඩි තැබීම සිදුවූ ස්ථානයේ ටී-56 උණ්ඩ කොපු 39ක්, ජීව උණ්ඩ 02ක්, මිලිමීටර් 9 වර්ගයේ උණ්ඩ කොපු 02ක් හා ජීව උණ්ඩ 02ක් සොයාගැනීමට පොලීසියට හැකිව ඇත.
මේ අතර වෙඩික්කරුවන් පැමිණි බවට සැකකරන වෑන් රථයක් වෙඩි තැබීම සිදුවූ ස්ථානයේ සිට මීටර් 800ක් පමණ දුරින් පිහිටි අතුරු මාර්ගයක ගිනි තබා ගොස් තිබියදී පොලීසිය විසින් සොයාගෙන ඇත.
වෑන් රථය තුළ ටී 56 තුවක්කුවකට යොදන මැගසීනයක් සහ තවත් ටී 56 උණ්ඩ කොපු හමුව තිබේ.
වෙඩි තැබීම සිදුවූ ස්ථානයේ මහේස්ත්රාත් පරීක්ෂණ මාතර අතිරේක මහේස්ත්රාත් මාලන් ශිරාන් ජයසුරිය විසින් අද (22) අළුයම් කාලයේ දී සිදුකළේය.
කෙසේ වෙතත් වෙඩිතැබීම සිදුකළ පුද්ගලයින් හෝ මෙම වෙඩිතැබීමට හේතුව පිලිබඳව මෙතෙක් කිසිවක් අනාවරණය වී නොමැත.
අතර වෙඩිතැබීම සම්බන්ධයෙන් පොලිස් කණ්ඩායම් කිහිපයක් යොදවා විමර්ශන කටයුතු පොලීසිය විසින් මේ වන විට ආරම්භ කර තිබේ. ( දිනමිණ)
