ගණේමුල්ලේ සංජීව ඝාතනය කළ වෙඩික්කරු නීතීඥයකු ලෙස වෙස්වලාගෙන අපරාධ නඩු විධාන සංග්රහයේ සිදුරු කරන ලද පිටපතක් තුළ සඟවා පිස්තෝලය උසාවිය තුළට රැගෙන ආ බව වාර්තා වේ.
ගිනි අවියේ හැඩයට සරිලන පරිදි පිටු කපා තිබුණි.
අදාල ඝාතකයා මේ වනවිට හඳුනාගනෙ ඇති බව පොලීසිය පවසයි. වෙඩික්කරු අධිකරණ භූමිය තුළට පැමිණි මොහොතේ ලබාගත් ඡායාරූපයක් ද ප්රකාශයට පත් වී තිබේ. .
අද උදෑසන ඝාතනය වූ ගණේමුල්ලේ සංජීව නොහොත් සංජීව කුමාර සමරරත්න නේපාලයේ කත්මන්ඩු නුවර සිට ව්යාජ ගමන් බලපත්රයක් යොදා ගනිමින් 2023 වසරේ සැප්තැම්බර් 13වන දින කටුනායක ජාත්යන්තර ගුවන්තොටුපළ වෙත පැමිණි අවස්ථාවේ දී ආගමන විගමන දෙපාර්තමේන්තුවේ නිලධාරීන් විසින් අත්අඩංගුවට ගනු ලැබීය.
සැකකරුව රඳවා තැබූවේ බුස්ස අධි ආරක්ෂිත බන්ධනාගාරයේය. බොහෝ විට ඔහු අධිකරණයට ඉදිරිපත් කිරීම සිදුවූයේත් අන්ර්ජාල තාක්ෂණය හරහාය.
කෙසේ වෙතත් ඔහු අද (19) පෙරවරුවේ අලුත්කඩේ අධිකරණ සංකීර්ණය වෙත රැගෙන ආවේය. ව වෙඩිතැබීම අධිකරණය තුළ සිදුවන්නේ මේ අවස්ථාවේ දී ය. මනුෂ්ය ඝාතන 19ක් සම්බන්ධයෙන් ගණේමුල්ල සංජීවට චෝදනා එල්ල වී තිබිණි. එමෙන්ම ඔහු කෙහෙල්බද්දර පද්මේ නැමැත්තාගේ ප්රධානතම ප්රතිවාදියා වේ.
කෙහෙල්බද්දර පද්මේ නැමැත්තාගේ පියා ඝාතනය කිරීමේ චෝදනාව ගණේමුල්ල සංජීවට එල්ල වී ඇත.
