වැඩිවන ගෝලීය අවිනිශ්චිතතා හමුවේ ප්රායෝගික සහයෝගීතාව සඳහා මෙම සංගමය හොඳ ආදර්ශයක් බව පළමු I2U2 සමුළුව අමතමින් ඉන්දීය අගමැති නරේන්ද්ර මෝදි පවසයි.
මෙහිදී අග්රාමාත්යවරයා අවධාරණය කළේ බටහිර ආසියා ක්වාඩ් කණ්ඩායම බලශක්ති සුරක්ෂිතතාව, ආහාර සුරක්ෂිතතාව සහ ගෝලීය වශයෙන් ආර්ථික වර්ධනය සඳහා සැලකිය යුතු දායකත්වයක් සපයනු ඇති බවයි.
මෙම I2U2 රාමුව යටතේ ජලය, බලශක්තිය, ප්රවාහනය, අභ්යවකාශය, සෞඛ්යය හා ආහාර සුරක්ෂිතතාව යන වැදගත් ක්ෂේත්ර 6ක් සඳහා ඒකාබද්ධ ආයෝජන වැඩි කිරීමට එකඟ වී තිබේ. මෙහි න්යාය පත්රය ‘ප්රගතිශීලී හා ප්රායෝගික’ එකක් ලෙස ද ඔහු හැඳින්වූයේය.
I2U2 යනු ඉන්දියාව, ඊශ්රායලය, එක්සත් අරාබි එමීර් රාජ්යය හා ඇමරිකා එක්සත් ජනපදය යන බටහිර ආසියාවට අයත් චතුරස්රය ලෙස ප්රක්ෂේපණය කරන සිව් රටවල් එක්ව පිහිටුවා ගත් සමුළුවකි. මෙහි අරමුණ වන්නේ ජලය, බලශක්තිය, ප්රවාහනය, අභ්යාවකාශය, සෞඛ්යය හා ආහාර සුරක්ෂිතතා වැනි අන්යෝන්ය වශයෙන් හඳුනාගත් ක්ෂේත්ර හයක් සඳහා ඒකාබද්ධ ආයෝජන සිදු කිරීමයි. පසුගිය වසරේ ඔක්තොම්බර් 18 වැනිදා රටවල් හතරෙහි විදේශ අමාත්යවරුන්ගේ රැස්වීමේදී මෙම I2U2 සමූහ සංකල්පය ඉදිරිපත් කෙරිණි. රටවල් නිතර සාකච්ඡා කරමින් සහයෝගීතාවයෙන් කටයුතු කරමින් රටවල් දියුණු කිරීමට ක්රියා කෙරේ.
