හිටපු ජනාධිපති ගෝඨාභය රාජපක්ෂගේ අසාර්ථකත්වයට ප්රධානම හේතුව නාමල් රාජපක්ෂ බව මහාචාර්ය චන්න ජයසුමන පවසයි.
පක්ෂයේ සාමාජිකයින් සහ විද්වත් පිරිසගේ අදහස්වලට ඇහුම්කන් දෙනවා වෙනුවට පාර්ලිමේන්තු මන්ත්රී නාමල් රාජපක්ෂ ඇතුළු පවුලේ කීපදෙනෙක්ගේ උපදෙස්මත පමණක් කටයුතු නොකළේ නම් ගෝඨාභය රාජපක්ෂට මෙම ඉරණම අත්නොවන බව ඔහු පැවසුවේ ඊයේ පැවති මාධ්ය හමුවක් අමතමිනි.
“ගෝඨාභය රාජපක්ෂ මුල් මාස කිහිපය තුළ අපට ඇහුම්කන් දී කටයුතු කළත්, ඔහු හිටපු අගමැති මහින්ද රාජපක්ෂ ඇතුළු පාක්ෂිකයන්ගේ උපදෙස් නොසලකා හැරියා.
“ඔහු නාමල් රාජපක්ෂ මන්ත්රීවරයාගේ සහ පවුලේ තවත් කිහිප දෙනෙකුගේ උපදෙස්වලට පමණක් ඇහුම්කන් දුන්නෙ. එය ඔහු ජනාධිපතිවරයෙකු ලෙස අසාර්ථක වීමට හේතු වුනා. “ මහාචාර්ය චන්න ජයසුමන වැඩිදුරටත් පැවසීය.
දැන් පාර්ලිමේන්තු මන්ත්රී නාමල් රාජපක්ෂ තමන් විසින් සිදුකළ විනාශයේ ප්රතිඵල පාක්ෂිකයින් පිට පැටවීමට උත්සාහ කරන බවත් මහාචාර්ය චන්න ජයසුමන පැවසුවේය.
