ලලිත් චාමින්ද –
ගාල්ල ,මාතර, හම්බන්තොට යන දිස්ත්රික්කවල අති බහුතරයක් වු ජනතාව විසින් පරිභෝජනය කරන රතු කැකුළු සහල් සහල් රජයේ පාලන මිලට තවමත් ලැබි නොමැති බවට චෝදනා එල්ලවත්ම තමන් විසින් කිලෝවක් රුපියල් 242ක් වැනි තොග මිලකට අලෙවි කළ සහල් යළි මෝල් හිමියන්ගේ වියදමින්ම මෝල් වෙත කැඳවීමට තීරණය කර ඇතැයි වාර්තා වේ.
කෙසේ වෙතත් ගාල්ල දිස්ත්රික්කයේ වෙළදසැල් වල ඇත්තේ රතු කැකුළු සහල් හිගයක් එම සහල් වැඩි මිලට අලෙවි කිරීමක් බව නිරීක්ෂණය වී ඇත. ගාල්ල දිස්ත්රික්කයේ රතු කැකුළු සහල් කිලෝවක් රුපියල් 260, 270 වැනි මිල ගණන්වලට අලෙවි වන බව මේ වනවිට තහවුරු වී තිබේ.
රජය විසින් සහල් සදහා පාලන මිලක් පැනවිමට පෙර මෝල් හිමියන්ගෙන් රතු කැකුළු සහල් මිලදි ගෙන ඇත්තේ කිලෝවක් රුපියල් 242 වැනි මිල ගණන්වලටය. මෙහිදී පෙනී ගොස් ඇත්තේ සිල්ලර කඩ හිමියන් ඇතැම් විට සහල් කිලෝවක් සඳහා රුපියල් 28ක් වැනි අධික ලාභයක් සහිත පාරිභෝගිකයාට රතු කැකුළු අලෙවි කරන ආකාරය ය.
මේ වෙළෙඳපල තත්ත්වය සම්බන්ධව සිල්ලර වෙළෙන්දන් මෝල් හිමියන්ව දැනුම්වත් කළ පසු එම සහල් තොගය යලි මොල් වලට එවිමට කටයුතු කරණ ලෙසත්, ප්රවාහන වියදමද මෝල් හිමියන් විසින් ලබාදෙන බවත් සඳහන් කොට ඇත.
ගාල්ල දිස්ත්රික්කය සදහා රතු කැකුළු සහල් සපයනු ලබන්නේ අම්පාර සහ හම්බන්තොට යන දිස්ත්රික්කවල මෝල් හිමියන් විසිනි.
