මරණය එක් මොහොතකින් හෝ ප්රමාද වනු දැකීම බලාපොරොත්තු උපදවයි. එවැනි අල්ප මාත්ර බලාපොරොත්තුවක් ඉපදී තිබේ.
සටන් විරාමයේ ආරම්භක වේලාව තවමත් නිල වශයෙන් ප්රකාශයට පත් කර නොමැත. ඊජිප්තු ආරක්ෂක මූලාශ්රයක් පැවසුවේ මැදිහත්කරුවන් බ්රහස්පතින්දා උදෑසන 10 සිට සටන් විරාමය ආරම්භ කිරීමට උත්සාහ කර ඇති බවය.
කෙසේ වෙතත් ගාසා තීරයට අඛණ්ඩ මරු ප්රහාරයක් එල්ල කරමින් සිටි ඊශ්රයාලයත් ආරක්ෂක ප්රතිපත්තියක් සහිතව සටන් වදිනා හමාස් සටන් කරුවනුත් ගාසා තීරය තුළ අවම වශයෙන් සිවු දින සටන් විරාමයක් සදහා එකඟ වි ඇත. . එක්සත් ජාතීන්ගේ සංවිධානය, ලෝක සෞඛ්ය සංවිධානය ඇතුළු අන්තර්ජාතික ප්රජාවගේ ඉල්ලීම් තඹයකට මායිම් නොකරමින් මෙතෙක් අමානුෂික මෙහෙයුමක නිරත වූ ඊශ්රයාලය සටන් විරාමයක් ගැන සලකා බැලූ මුල්ම අවස්ථාව මෙයය.
ඊශ්රායලයේ සිරගත ගෙන සිටින පලස්තීනුවන් 150ක් වෙනුවට හමාස් සටන්කාමීන් විසින් රඳවාගෙන සිටින ප්රාණ ඇපකරුවන් 50 දෙනෙකුට නිදහස් කිරීමට මෙම සටන් විරාම කාලය තුළ සිදුවනු ඇතැයි අපේක්ෂා කරේ. කෙසේ වෙතත් මෙම ප්රාණ ඇපකරුවන් නිදහස් කිරීම සිකුරාදාට පෙර සිදු නොවනු ඇතැයි ඊශ්රායල ජාතික ආරක්ෂක උපදේශක සහ එක්සත් ජනපදය ප්රකාශ කර තිබේ.
කුරුරු සති හතක යුද්ධයේ පළමු සටන් විරාමය එළඹෙන්නේ කටාරයේ මැදිහත්වීමත් සමගිනි. ඊශ්රායල වටලනු ලැබූ ගාසා තීරයේ සිවිල් වැසියන්ගේ දුක් වේදනා සමනය කර තවත් ඊශ්රායල ප්රාණ ඇපකරුවන් පිරිසකට නිදහස් වී නිවෙස් වෙත යා හැකි ප්රගතියේ සලකුණක් ලෙස මෙම සටන් විරාමය ලෝක ප්රජාවගේ පැසසුමට ලක් වි ඇත.
තවත් ප්රාණ ඇපකරුවන් නිදහස් කළහොත් සටන් විරාමය තවදුරටත් දීර්ඝ කළ හැකි බව ඊශ්රායලය ප්රකාශ කර තිබේ. පලස්තීන මූලාශ්රයක් රොයිටර් වෙත පවසා ඇත්තේ මේ මාසය අවසන් වන විට ප්රාණ ඇපකරුවන් 100ක් පමණ නිදහස් කළ හැකි බවයි.
ඔක්තෝබර් 7 වැනි දින දකුණු ඊශ්රයාලය වෙත කඩා වැදුණු හමාස් සටන් කරුවන් ඊශ්රයාලයෙන් ප්රාණ ඇපකරුවන් 240ක් පමණ අල්ලාගෙන ගාසා තීරය වෙත රැගෙන ගියහ. හමාස් සංවිධානය සතු ප්රබලම අවිය මෙම ප්රාණ ඇපකාර සිවිල් මිනිසුන්ය. මීට පෙර හමාස් සංවිධානය නිදහස් කර තිබුණේ මෙම ප්රාණ ඇපකරුවන්ගෙන් සිව් දෙනෙක් පමණි. දෙදෙනෙක් සෞඛ්ය හේතු මත මුදාහල වයස්ගත ඊශ්රයාල ජාතික කාන්තාවන්ය. අනෙක් දෙදෙනා ඇමරිකානු පුරවැසි භාවය සහිත මවක් සහ දුවය.
ඊයේ (22) වනවිටත් ගාසා තීරය ගිනි ගනිමින් තිබිණි. රොයිටර් පවසන්නේ කාන්තාවන් සහ ළමුන් 50 දෙනෙකු අවම වශයෙන් දිනකට 10 බැගින් දින හතරක තුළ නිදහස් කිරීමේ පදනම මත සටන් විරාමය ප්රකාශ කර ඇතැයි ඊශ්රායල අගමැති බෙන්ජමින් නෙතන්යාහුගේ කාර්යාලයේ ප්රකාශකයෙක් 21 දා රාත්රියේ ප්රකාශ කර ඇති බවය.
ඉන් ඔබ්බට, දිනකට අමතර ප්රාණ ඇපකරුවන් 10 දෙනෙකු නිදහස් කරන තාක් සටන් විරාමය දිනෙන් දින දීර්ඝ කළ හැකි බව එම ප්රකාශකයා රොයිටර් වෙත පවසා තිබේ.
එමෙන්ම නිදහස් කළ හැකි පලස්තීන සිරකරුවන් 300 දෙනෙකුගේ නම් ලැයිස්තුවක් ඊශ්රායල අධිකරණ අමාත්යාංශය විසින් ප්රකාශයට පත් කර ඇත.
“සියලු ප්රාණ ඇපකරුවන් ආපසු ගෙදර පැමිණීම සහතික කිරීම සඳහා ඊශ්රායල රජය කැපවී ඉන්නවා. 22 දා රාත්රියේ මෙම ඉලක්කය සපුරා ගැනීමේ පළමු අදියර ලෙස යෝජිත ගනුදෙනුව අනුමත කරනු ලැබුවා ,” ඊශ්රයාල රජයේ නියෝජතයෙක් මාධ්යයට පවසා තිබිණි. ඊශ්රයාලය සිය අත් අඩංගුවේ සිටිනා ප්රාණ ඇපකරුවන්ට මරණීය දණ්ඩනය නියම කිරීමට ගත් තීන්දුවට ප්රධාන වශයෙන්ම එරෙහි වෙමින් ඊශ්රයාල සිවිල් ජනතාව ප්රාණ ඇපකරුවන්ගේ ජීවිත සුරක්ෂිතතාවය වෙනුවෙන් ඊශ්රයාල රජයට බලපෑම් කරමින් ඉන්නේ මේ අතරතුරය.
ඊශ්රායලයේ සිරගත කර සිටින පලස්තීන කාන්තාවන් සහ ළමුන් 150 දෙනෙකු වෙනුවෙන් ප්රාණ ඇපකරුවන් 50 දෙනා නිදහස් කරන බව හමාස් සංවිධානය ප්රකාශ කර තිබේ. මෙම සටන් විරාමයත් සමග මානුෂීය ආධාර සහිත වෛද්ය සහ ඉන්ධන සපයන ට්රක් රථ සියගණනක් ගාසා තීරයට ඇතුළු වනු ඇත. ඊශ්රායලය දකුණු ගාසා තීරය වෙත ඉලක්ක කරගත් සියලුම ගුවන් ප්රහාර දින 04ක් සඳහා නවත්වනු ඇත.
ඊශ්රායල ගණනය කිරීම්වලට අනුව හමාස් සටන් කරුවන් විසින් පසුගිය 07 වැනිදා 1,200 ක් පමණ ඊශ්රයාල සිවිල් පුද්ගලයින් ඝාතන කර තිබේ. ඉන් පසු ඊශ්රායලය ගාසා තීරය වටලා සිදුකර නිර්දය බෝම්බ ප්රහාරවලින් ගාසාවේ සිවිල් වැසියන් 14,000 කට වැඩි පිරිසක් මරා ඇත. ඛේදවාචකය වන්නේ ඔවුන්ගෙන් 40% ක් පමණ ළමයින් වීමය.
හමාස් සටන් කරුවන් විසින් ඊශ්රයාලට වැදී පුද්ගලයින් 1200ක් ඝාතනය කළ තිරිසන් අපරාධයේ පළිය ගැනිම සඳහා ඊශ්රයාලය විසින් ගාසා තීරයේ අප්රමාණ දුක්ඛිත ජීවිතයක් ගත කළ දරුපැටවුන් 5600ක් අවම වශයෙන් ඝාතනය කර තිබේ.
මෙම සටන්විරාමය සඳහා මැදිහත්කරු වූ කටාරය අපේක්ෂා කරන්නේ සටන් විරාමය දීර්ඝ කාලීන විසදුමක් වෙනුවෙන් මහා ප්රවේශයක් සදනු ඇති බවය.
මනුෂ්යත්වය අගය කරන සෑම හුස්ම වැටෙන මිනිසෙක්ම ප්රාර්ථනා කරන්නේ එයය. එයමය.
