ලලිත් චාමින්ද
ගාල්ල බන්ධනාගාරය තුළ පැතිරිගිය මෙනින්ගොකොකල් මෙනින්ජයිටිස් රෝගී තත්ත්වය මේ වන විට සම්පූර්ණයෙන්ම පාලනය කොට ඇති අතර බන්ධනාගාරයෙන් පිටත බාහිර සමාජයෙන් මෙවැනි කිසිදු රෝගියකු වාර්තා වී නොමැති බවත් එම නිසා ජනතාව අනිසි බියක් ඇතිකරගත යුතු නැති බැව් ගාල්ල දිස්ත්‍රික් සෞඛ්‍ය සේවා අධ්‍යක්ෂ වෛද්‍ය සෝමරත්න කෝනාර පවසයි.
අද (23) පෙරවරුවේ ගාල්ල දිස්ත්‍රික් සෞඛ්‍ය සේවා අධ්‍යක්ෂක කාර්යාලයේ දි පැවති මාධ්‍ය හමුවකදී හෙතෙම මෙසේද කිවේය.
මෙම රෝගී තත්ත්වය බන්ධනාගාරයෙන් පිටතට පැතිරීයාම වැලැක්වීමට අවශ්‍ය නිර්දේශ ලබා දුන්නා. මේ පිළිබඳ ජනතාව බිය විය යුතු නැහැ. මේ වනතෙක් බන්ධනාගාරයෙන් පිටිත මෙවැනි කිසිදු රෝගියකු වාර්තාවෙලා නැහ. බන්ධනාගාරයෙන් පිටතට මෙම රෝගය පැතිරියාම වැලැක්වීම සඳහා අවශ්‍ය ගත යුතු ක්‍රියාමාර්ග ගෙන තියෙනවා.
මෙය සමීපතයින්ගෙන් තමයි බෝවෙන්නේ. බැක්ටීරියාවක් මගින් මෙය බෝවන රෝගයක්. මේ සඳහා ක්ෂණිකව ක්‍රියාත්මක නොවුනහොත් ප්‍රතිපල භයානක වෙන්න පුළුවන්. මේ රෝගී තත්ත්වය පිළිබඳ තොරතුරු ලැබුණු විගස අවශ්‍ය ක්‍රියාමාර්ග ගත්තා. මෙකී විෂබිජය ශරිරගත වෙලා දින 02කත් 10ත් අතර කාලය තුලදී තමයි රෝග ලක්ෂණ මතුවන්නේ. අවසාන රෝගියා වාර්තාවෙලා දින දහයක් යන තෙක් රෝග නිවාරණ කටයුතු පිළිබද අවධානයෙන් සිටිය යුතුයි.
දැනට රෝගින් 13 දෙනෙකු වාර්තාවෙලා තියෙනවා. 02 නෙකු මියගිහින් තියෙනවා. අලුතින් රෝගින් වාර්තා වෙලා නැහැ.
මේ පිළිබද වාර්තාවිමත් සමග ගාල්ල දිස්ත්‍රික් සෞඛ්‍ය සේවා අධ්‍යක්ෂක කාර්යාලයේ වෛද්‍යවරු කණ්ඩායමක්, ගාල්ල කරාපිටිය රෝහලේ ක්ෂ්ද්‍රජිවි හා කායික රෝග පිළිබද විශේෂඥ වෛද්‍යවරු බන්ධනාගාර රෝහලේ වෛද්‍යවරු ඇතුළු කණ්ඩායමක් බන්ධනාගාරයට ගොස් මේ පිළිබද නිරික්ෂණය කරලා බන්ධනාගාරය තුල මෙකි රෝගි තත්වය පාලනය කිරිම සදහා නිර්දේශ කිහිපයක් ලබා දුන්නා. යැයිද ගාල්ල දිස්ත්‍රික් සෞඛ්‍ය සේවා අධ්‍යක්ෂකවරයා සදහන් කළේය.
