ලලිත් චාමින්ද –
විපක්ෂය විසින් බහුතර මන්ත්රිධුර සංඛ්යාවක් හිමිකරගෙන ඇති ගාල්ල මහනගර සභාවේ නගරාධිපති ධුරය සඳහා සමගි ජන බලවේගයේ මොහොමඩ් මවුසුන් මොහමඩ් රෝෂාන් සහ උපනගරාධිපති ධුරය සදහා එජාපයේ ජිලිත් නිශාන්ත නම් කිරිමට එම පක්ෂ විසින් තීන්දුකොටෙ ඇති බැව් දේශපාලන ආරංචි මාර්ග සඳහන් කරයි.
සමගි ජනබලවේගය නියෝජනය කරමින් තලාපිටිය කොට්ඨාසයෙන් තරග කළ හිටපු නාගරික මන්ත්රි මොහොමඩ් මවුසුන් මොහමඩ් රෝෂාන් සිය කොට්ඨාසය ජයගනිමින් ගාල්ල මහනගර සභාවට තේරිපත්වි ඇත.
මොහොමඩ් මවුසුන් මොහමඩ් රෝෂාන් එම කොට්ඨාසයෙන් ලබාගෙන ඇති ඡන්ද සංඛ්යාව ඡන්ද 1945කි. ලබාගෙන ඇති ඡන්ද ප්රතිශතය සියයට 65.5කි.
මාගාල්ල කොට්ඨාශය නියෝජනය කරමින් එජාපයෙන් තරග කළ හිටපු නාගරික මන්ත්රි ජිලිත් නිශාන්ත එම කොට්ඨාසයෙන් ඡන්ද 913ක් ලබාගෙන කොට්ඨාසය ජයග්රහණය කරණු ලැබිය. ඔහු ලබාගෙන ඇති ඡන්ද ප්රතිශතය සියයට 50.9කි.
ගාල්ල මහනගරසභාවේ තනිපක්ෂයක් වශයෙන් වැඩිම මන්ත්රිධුර සංඛ්යාවක් ජාතික ජනබලවේගය විසින් හිමිකරගෙන ඇත. එම පක්ෂය විසින් හිමිකරගෙන ඇති මන්ත්රිධුර සංඛ්යාව 17කි.
සමගිජනබලවේගය මන්ත්රිධුර 09ක් හිමිකරගෙන ඇති අතර එජාපය විසින් හිමිකරගෙන ඇති මන්ත්රිධුර සංඛ්යාව 05කි.
ශ්රිලංකා පොදුජන පෙරමුණ හිමිකරගෙන ඇති මන්ත්රිධුර සංඛ්යාව 03කි. පොදුජන එක්සත් පෙරමුණ මන්ත්රිධුර 02ක් හිමිකරගෙන ඇත.
ගාල්ල නගරාධිපති ධුරය සඳහා ජාතික ජනබලවේගය විසින් ද අපේක්ෂකයෙකු ඉදිරිපත් කිරිමට නියමිතව ඇති අතර එය නගරසභා රැස්විම පැවැත්වෙන දින උදෑසන ප්රකාශයට පත්කිරිමට නියමිතව ඇති බවද එම පක්ෂයට සම්බන්ධ ආරංචි මාර්ග සඳහන් කරයි.
ජාතික ජනබලවේගය ගාල්ල මහනගර සභාවේ බලය අනිවාර්යෙන්ම ස්ථාපිත කරණ බැව් වෘත්තිය අධ්යාපන නියෝජ්ය ඇමති නලින් හේවගේ පවසයි.
