-
ඝාතන සැලසුම පිටරට පාතාල සාමුහිකයකගෙන්… කොන්ත්රාත් එක කෙහෙල්බද්දර පද්මේගෙන්… ලෝකය පුරා සැඟවී ඉන්න සංජීවට එරෙහි පාතාලයේ ඊයේ රෑ සාද දාලා….
ගණේමුල්ලේ සංජීව අලුත්කඩේ උසාවි භූමියේ දී ඝාතනය කරන්නේ රුපියල් ලක්ෂ 150ක කොන්ත්රාත්තුවකට බව හෙළි වී ඇත. කෙහෙල්බද්දර පද්මේ ගේ සමීපතමයෙක් හරහා ඝාතකයා වෙත ලබා දී ඇති කොන්ත්රාත්තුවෙන් එම ඝාතකයාට ලැබී ඇත්තේ රුපියල් ලක්ෂ 02ක අත්තිකාරම් මුදලක් පමණක් බවද විමර්ශන අංශ අනාවරණය කරගෙන තිබේ.
යුද හමුදාවේ හිටපු සෙබලෙක් මෙන්ම බුද්ධි අංශ සාමාජිකයෙක් ලෙස ද කටයුතු කළ මොහොමඩ් අස්මාන් සෙරිෆ්ඩීන් නමැති 34 හැවිරිදි වියේ පසුවන මෙම පුද්ගලයා කුලී ඝාතකයෙක් ලෙස මිනීමැරුම් ගණනාවක් සිද්ධ කළ අයිස් මත්ද්රව්යයට ඇබ්බැහි වූවෙක් ලෙස හඳුනාගෙන තිබේ.
ගල්කිස්ස වටරප්පල පාරේදී පසුගිය ජනවාරි 07 වැනිදා පුද්ගලයකු ඝාතනය කරමින් තවත් අයකුට තුවාල ගෙනදුන් අබිරහස් ඝාතකයා ඔහු බවට තොරතුරු ද අනාවරණය වී ඇත. එම ඝාතනය ඇතුළු ඝාතන 05කට ඔහු සම්බන්ධ බවට ද කරුණු හෙළි වී තිබේ. සීදූව ලියනගේමුල්ලේදී පසුගිය වසරේ දෙසැම්බර් 28 වැනිදා ව්යාපාරික පවුලක පියාත් දරුවන් දෙදෙනාත් වෙඩි තබා ව්යාපාරික පියාත් ව්යාපාරික පුතාත් ඝාතනය කිරීමට මෙම සැකකරුගේ සම්බන්ධයක් ඇතැයි ද පොලීසිය විශ්වාස කරයි. ඒ සම්බන්ධයෙන් ද ඊයේ රාත්රියේ ඔහුගෙන් දීර්ඝ ලෙස ප්රශ්න කරමින් සිට ඇත.
බුද්ධි අංශ බුද්ධි අංශවලට මේ වන විට ලැබී ඇති තොරතුරුවලට අනුව නම් මාකිලංගමුවේ සංජීවගේ ඝාතන සැලසුම ක්රියාත්මකව ඇත්තේ රටින් පිටය. ඒ ඩුබායි, ඉන්දියාව සහ තවත් යුරෝපීය රටක රැඳී සිටින පාතාලයේ ප්රබල මත්කුඩු ජාවාරම්කරුවන් පිරිසකගේ සැලසුමකට අනුවය. ඒ බව තවමත් ඇත්තේ විමර්ශන මට්ටමේය. ඉදිරියේදී එහි ඇත්ත නැත්ත පොලීසිය විසින්ම නිල වශයෙන් කියනු ඇත.
මාකිංලගමුවේ සංජීව සමඟ පාතාලයේ ගැටුම් බොහොමයක් පැවතියේ ඩුබායිහි රැඳී සිටින කෙහෙල්බද්දර පද්මේය. ගම්පහ පස් මාෆියාවේ කිරුළ පැලඳි පස් පොඩ්ඩා ගම්පහ අධිකරණයේ නඩුවක් සඳහා පෙනී සිට ගමන් කරමින් සිටියදී 2022 වසරේදී අධිකරණය ආසන්නයේදී වෙඩි තබා මරා දමන්නේ කෙහෙල්බද්දර පද්මේ ඩුබායි සිට කළ සැලසුමකට අනුවය. එම වෙඩි තැබීමෙන් පස් පොඩ්ඩා සමඟ සිවු දෙනෙක් මිය ගියහ.
පස් පොඩ්ඩාට වෙඩි ප්රහාරය එල්ලවන්නේ පස් මාෆියාවේ ගැටුමක ප්රතිඵලයක් ලෙස කෙහෙල්බද්දර පද්මේගේ පියා ඝාතනය කිරීමට පළිගැනීමක් ලෙසය. කෙහෙල්බද්දර පද්මේ ඩුබායි පනින්නේ ජීවිතාරක්ෂාවටය. පස් පොඩ්ඩාගේ හයිය මාකිලංගමුවේ සංජීවයි. පද්මේගේ පියාගේ ඝාතනය පිටුපස සිටියේ ද මාකිලංගමුවේ සංජීවය.
පස් පොඩ්ඩාගේ ඝාතනයෙන් කැළඹුණු ඔහු පද්මේගේ ගෝලබාලයන්ට පන්න පන්නා වෙඩි තැබුවේය. ඒ සිය ගෝලබාලයින් යොදාගෙනය. මේ නිසා පද්මේ සිටියේ මාකිලංගමුව සංජීව සමඟ වෛරයකිනි. බටුවත්තේ චාමර නමැති පාතාලයේ මත්කුඩු ජාවාරම්කරුට ද මාකිලංගමුවේ සංජීවගෙන් දිගින් දිගටම පැවතියේ අරියාදුය. මෑතකදී ජාඇළ වැලිගම්පිටියේ පිහිටි බටුවත්තේ චාමරගේ නිවෙසට පසුගිය දෙසැම්බර් මාසයේදී අවස්ථා දෙකක දී එල්ල වූ වෙඩි ප්රහාර පිටුපස සිටියේ යැයි කියැවෙන්නේද මාකිලංගමුවේ සංජීවගේ පාතාලයේ පුරුක්ය. මේ නිසා රටින් පිට සිටියත් බටුවත්තේ චාමර ද සිටියේ මාකිලංගමුවේ සංජීව සමඟ වෛරයකිනි.
මත්කුඩු ජාවාරමේ සැඟවුණු චරිතයක් වන ජූඩ් සමඟද මාකිලංගමුවේ සංජීවට ගැටුම් තිබී ඇත. ඒ මත්කුඩු ජාවාරම මුල්කරගෙනය. එසේම ඉන්දියාවේ රැඳී සිටින බව කියැවෙන කෙසෙල්වත්තේ ධනුක සමඟද මාකිලංගමුවේ සංජීව හිත් අමනාපය. මාකිලංගමුවේ සංජීව සමඟ ගැටුම් ඇති මේ හැමෝම දැන් ඉන්නේ එකම කණ්ඩායමක් ලෙසිනි.
මේ අය මාකිලංගමුවේ සංජීවගේ මරණයේ සතුට පළ කර ඇතැයි පැවසෙන්නේ සාද පවත්වමින් බව වාර්තා වේ.
