කොළඹ මහ නගරසභාවේ බලය තහවුරු කිරීම තනිව සමගි ජන බලවේගයට සිතියවත් නොහැකි බව සමගි ජන බලවේගයේ ජාතික සංවිධායක තිස්ස අත්තනායක පවසයි.
ඔහු පවසන්නේ වෙනත් දේශපාලන මත දරන කණ්ඩායමක් පවතින රජයට එරෙහිව ඒකාරශී කිරීම සම්බන්ධව සාකච්ඡා කරන බවත්, එම ජාතික මට්ටමින් ගොඩනැගෙන එකඟතාවය බිඳ වැටුනහොත් දේශපාලනික වශයෙන් ඉතාම වැදගත් ආයතනයක්වන කොළඹ මහ නගර සභාවේ බලය ද බිඳ වැටෙන බවය.
” අපි අපේක්ෂාවෙන් තිබුණ ආයතන ගණනාවක්ම බලය අපට තනිය පිහිටුවිය නොහැකි වුනා. ආණ්ඩුව හරියි කියන කොටසක් ඉන්නවා. ආන්ඩුව වැරදියි කියන කොටසක් ඉන්නවා. ඒ අණ්ඩු විරෝධී ඡන්ද ටික එකට එකතු කරගෙන යම් ආකාරයක බලයක් පිහිටුවිය හැකිනම් එතන අපි සිටගත යුතුයි කියන ප්රතිපත්තිමය තීන්දුවකට අප ඇවිත් ඉන්නවා.”
“තව පුංචි පුංචි ප්රශ්න ටිකක් තියනවා විසඳා ගන්න.”
” කොළඹ නගරසභාව කියන්නේ දේශපාලනිකව ඉතාම වැදගත්වන සුවිශේෂී ආයතනනයක්. කොළඹ නගර සභාවේ බලය තනියම හදන්න අපට හිතන්නවත් බෑ. එතකොට අපි ස්වාධීන කණ්ඩායම්, වෙනත් දේශපාලන මත දරන අය ගණනාවක් එක්ක අපි දැනට සාකච්ඡා කරගෙන යනවා. හැබැයි අපි ජාතික මට්ටමින් ගොඩනැගුන මේ එකඟතාවය බිඳ වැටුනොත් කොළඹත් බිඳ වැටෙනවා.
