මේ වනවිට කොටුව මහේස්ත්රාත් අධිකරණය, කොළඹ ජාතික රෝහල හා එ් අවට පොලිස් ආරක්ෂාව දැඩි කර තිබේ.
හිටපු ජනාධිපති රනිල් වික්රමසිංහගේ නඩුව අද සවස 2ට කොළඹ මහේස්ත්රාත් අධිකරණය ඉදිරියට කැඳවීමට නියමිත බැවින් මෙම ආරක්ෂක වැඩපිළිවෙළ ක්රියාත්මක බව පොලිසිය පැවසුවේය.
මීට අමතරව විපක්ෂය විසින් අද කොටුව මහේස්ත්රාත් අධිකරණ භූමිය වෙත පෙළපාළියෙන් ගමන් කිරීම සඳහා ජනතාව රැස් කරවූ කොම්පඤ්ඤවීදිය ප්රදේශයට ද විශේෂ ආරක්ෂාවක් යොදවා ඇත.
කිව් පාරෙන් කොටුව මහේස්ත්රාත් අධිකරණ භූමියට ප්රවේශවිය හැකි ප්රධාන මාර්ග දෙකම මාර්ග ආරක්ෂාව යොදවා පොලිසිය විසින් ආරක්ෂා කර ඇත. බැරැක්ක පටුමග ඔස්සේත් අධිකරණ ප්රරිශ්රයට ප්රවේශ වීමට අවසර ලබා දෙන්නේ නැත. මෙම මාර්ග ඔස්සේ අධිකරණ භූමියට ප්රවේශ විය හැක්කේ මාධ්යවේදීන්ට සහ අවසර ලත් පුද්ගලයින්ට පමණි.
මේ අතර කිව් පාරේ කෙළවර ඇති කොම්පඤ්ඤවීදිය කෝවිල අසලින් මෙම පරිශ්රයට ඇතුළුවීමට මේ වනවිට දේශපාලන කණ්ඩායම් විසින් සංවිධානය කළ විශාල ජන පිරිසක් රැඳී සිටිති.
