ක්රීඩා අමාත්යාංශය හා ක්රිකට් ආයතනය අතර පැන නැගී ඇති විරසකය තවත් තීව්ර කරමින් ක්රිකට් ආයතනය විසින් එහි සාමාජික ක්රීඩා සමාජ හා සංගම් වෙත ලිපියක් යවමින් ක්රීඩා අමාත්යාංශයේ ඇඟිලි ගැසීම් වලට විරෝධය දක්වන ලෙස ඉල්ලා ඇත.
මේ අනුව තම සාමාජිකත්ව අයිතීන් සුරකින ලෙසත් රාජ්ය මට්ටමින් ඇඟිලි ගැසීමෙන් වළකින ලෙසත් ඉල්ලා ක්රිකට් ආයතනයට ලිපියක් එවන මෙන් සාමාජිකයන් වෙත ඉල්ලීමක් කර තිබේ.
මේ වන විට ක්රීඩා ඇමතිවරයා විසින් පත් කරන ලද කුසලා සරෝජිනී කමිටුවේ වාර්තාවට එරෙහිව ක්රිකට් ආයතනය අභියාචනාධිකරණයට නඩුවක්ද ගොනු කර ඇති අතර එය පෙබරවාරි 1 දා යළි සළකා බැලීමට නියමිතය.
කරුණු මෙසේ තිබියදී එම වාර්තාවෙන් හෙළි වී ඇති මූල්ය අක්රමිකතා හේතුවෙන් හෙට අනිද්දා ක්රිකට් ආයතනය විසිරුවා හැර අතුරු කමිටුවක් පත් කරනු ඇතැයි ක්රිකට් බලධාරීන් කලබලයට පත්ව ඇති බව ලංකාසරට වාර්තා වේ.
පාපන්දුවේද චෝදනා රැසක් ඇති හිටපු සභාපතිවරයා පසුගියදා පැවති නිලවරණයෙන් පරාජයට පත් වීමෙන් පසු නිලවරණයට එරෙහිව නඩුවක් පැවරීය.
