අද (10) උදෑසන ජනාධිපති කාර්යාලයේ දී පැවති කැබිනට් සංශෝධනයට අනුව අමාත්යවරුන්ගේ විෂය පථය සංශෝධනය වී ඇති අතර ඒ අනුව නව අමාත්යවරු තිදෙනෙකු හා නියෝජ්ය අමාත්යවරුන් දස දෙනෙකු ජනාධිපතිවරයා ඉදිරියේ දිවුරුම් දී තිබේ.
නව අමාත්ය මණ්ඩල සංශෝධනයට අනුව අමාත්යවරු දෙදෙනෙකුගේ හා නියෝජ්ය අමාත්යවරු කිහිපදෙනෙකුගේ විෂය පථයන් වෙනස් වී ඇත.
ප්රවාහන, මහාමාර්ග, වරාය සහ සිවිල් ගුවන් සේවා අමාත්ය ලෙස කටයුතු කළ බිමල් රත්නායකගෙන් වරාය හා සිවිල් ගුවන්සේවා ඉවත් කර ඇති අතර, ඒ වෙනුවට නාගරික සංවර්ධන අමාත්යාංශය එක් කර තිබේ.
ඒ අනුව බිමල් රත්නායක ප්රවාහන, මහාමාර්ග සහ නාගරික සංවර්ධන අමාත්යවරයා ලෙස අද දිවුරුම් දී ඇත.
බිමල් රත්නායකගෙන් ඉවත්කළ වරාය සහ සිවිල් ගුවන්සේවා අමාත්යාංශය අනුර කරුණාතිලකට ලබා දී තිබේ.. මීට පෙර නාගරික සංවර්ධන, ඉදිකිරීම් සහ නිවාස අමාත්ය ලෙස කටයුතු කළ ඔහු වරාය සහ සිවිල් ගුවන්සේවා අමාත්ය ලෙස අද දිවුරුම් දුන්නේය.
එමෙන්ම අනුර කරුණාතිලකගෙන් ඉවත්කළ ඉදිකිරීම් සහ නිවාස අමාත්ය ධුරය, නියෝජ්ය අමාත්ය ලෙස කටයුතු කළ වෛද්ය එච්.එම්. සුසිල් රණසිංහට ලබා දී ඇත.
ඒ අනුව ඉඩම් සහ වාරිමාර්ග නියෝජ්ය අමාත්යවරයාව සිටි සුසිල් රණසිංහ නිවාස, ඉදිකිරීම් සහ ජලසම්පාදන අමාත්ය ලෙස අද ජනාධිපතිවරයා ඉදිරියේ දිවුරුම් දුන්නේය.
මීට පෙර කිසිදු අමාත්ය ධුරයක් නොදැරූ ආචාර්ය කෞෂල්යා ආරියරත්න, දිනිඳු සමන් කුමාර, නිශාන්ත ජයවීර සහ එම්. එම්. අයි. අර්කම් නියෝජ්ය අමාත්යවරුන් ලෙස දිවුරුම් දී තිබේ.
අද දිනයේ දිවුරුම් දුන් නව අමාත්යවරු පහතින් දැක්වේ.
